რუსთავის მე-17 დაწესებულებაში პატიმარი გარდაცვლილი იპოვეს. 

ინფორმაცია პენიტენციურმა სამსახურმა "ექსპრესნიუსს" დაუდასტურა. უწყების თქმით, გამოძიება სუიციდის ფაქტზე დაიწყო და გამოძიებასთან თანამშრომლობენ.

პენიტენციური სამსახური აზუსტებს, რომ მსჯავრდადებული 2023 წლიდან იხდიდა სასჯელს და „სასჯელის დასრულების თარიღი 2028 წელი“ იყო

პატიმრის ოჯახს კი სუიციდის ვერსიის არ სჯერა. 

გარდაცვლილის ოჯახის წევრმა, ტვ პირველთან სატელეფონო ინტერვიუში თქვა, რომ არ სჯერა თვითმკვლელობის ვერსიით, შესაძლოა პატიმარი "მოწამლეს", ასევე, ამბობს, რომ "დაზიანებებიც აქვს, მგონი". 

"პარასკევს გასკდა ეს ამბავი, რომ დაღუპულია. ამბობენ, თავი მოიკლაო, ბიჭებს უთქვამთ იქ, ტუალეტში შევიდა, ლურსმანზე ყოფილა კაპრონის ძაფი და თავი ჩამოიხრჩოო. დილას კიდევ ყავა დაულევია. ან მოწამლეს... არ ვიცი, ექსპერტებმა რა დაადგინეს და რა არა, თავს არაფრით არ მოიკლავდა, ძალადობის კვალიც აქვს, მგონი. თავს არ მოიკლავდა. სამწელიწადნახევარი ციხეში იყო და თავი არ მოუკლავს და ახლა, 2-3 თვეში უნდა გამოსულიყო და ახლა მოიკლავდა?", - თქვა პატიმრის მამიდამ, ვალიდა გულედანმა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ტრამპმა ევროპას შესთავაზა, რუსული გაზის შესყიდვას დაუბრუნდეს

ფრანსუა ოლანდმა საფრანგეთის ხელისუფლებას მოუწოდა, ახალგაზრდებთან და პროფკავშირებთან მოლაპარაკებები დაიწყოს

ჩხუბისას თბილისში ორი პირი დაჭრეს- პოლიციამ სამი პირი დააკავა

ნეთანიაჰუ: ირანი კონტინენტთაშორის ბალისტიკურ რაკეტებს ავითარებს, რომლებსაც აშშ-მდე მიღწევა შეუძლიათ