რუსეთმა ირანს აშშ-სთან კონფლიქტის დროს პირდაპირი დიპლომატიური დახმარება გაუწია, მათ შორის გაეროს უშიშროების საბჭოს რეზოლუციების დაბლოკვით. „კომერსანტის“ ცნობით, ამის შესახებ რუსეთის უშიშროების საბჭოს თავმჯდომარის მოადგილემ, დიმიტრი მედვედევმა, ირანის სახელმწიფო ტელევიზიისა და რადიოს მაუწყებლობის კომპანიაში განაცხადა.

მისი თქმით, მოსკოვმა თეირანს პოლიტიკური მხარდაჭერა გაუწია და რამდენიმე შემთხვევაში დაბლოკა გაეროს უშიშროების საბჭოს რეზოლუციები, რომლებსაც შეეძლოთ ირანის წინააღმდეგ საერთაშორისო დარტყმების სამართლებრივი საფუძველი შეექმნათ.

„რა არის ეს, თუ არა პირდაპირი დახმარება?“ - თქვა მედვედევმა, ირანის მიმართ რუსეთის მხარდაჭერის შესაძლო შეზღუდვების შესახებ კითხვაზე პასუხის გაცემისას.

მან მოსკოვისა და თეირანის ურთიერთობები სტრატეგიული უწოდა და ხაზი გაუსვა, რომ ისინი არ უნდა აღიქმებოდეს, როგორც სამხედრო ბლოკი.

„ირანის ისლამურ რესპუბლიკასა და რუსეთის ფედერაციას შორის ურთიერთობები უპრეცედენტოდ მაღალ დონეზეა“, - განაცხადა უშიშროების საბჭოს თავმჯდომარის მოადგილემ.

ირანის წინააღმდეგ აშშ-სა და ისრაელის სამხედრო ოპერაციის პირველ დღეს, რუსეთის საგარეო საქმეთა სამინისტრომ დაგმო კამპანიის დაწყება.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა