პუტინისტმა ფიფიამ პროპაგანდისტულ СОЛОВЬЁВ LIVE -ს ეთერში რუსეთ-საქართველოს დალაგებად ურთიერთობაზე და "გეორგიევსკის" ქვედანაყოფზე ისაუბრა

2026-10-03 15:23:00, 1962 ნახვა

პოლიტიკა

პუტინისტმა მამუკა ფიფიამ СОЛОВЬЁВ LIVE-ის ეთერში, პროპაგანდისტი ანდრეი კლინცევიჩის გადაცემაში ილაპარაკა "გეორგიევსკის" ქვედანაყოფზე.

"ხედავენ ჩვენი გუნდის დიდ აქტიურობას. რუსეთსა და საქართველოს შორის ურთიერთობების დალაგებას... როგორც ჩანს ხედავენ საფრთხეს. უბრალოდ შური იძიეს... ვერანაირ ზიანს ვერ მოგვაყენებენ. აბსოლუტურად ვერანაირს. გავაგრძელებთ, რასაც ვაკეთებდით. ამის გვჯერა. ჩვენი საქმე ჭეშმარიტია და ამას გავაგრძელებთ. ვაკეთებთ იმას, რასაც აკეთებდნენ ჩვენი წინაპრები. ძალიან ბევრი გეგმა გვაქვს...

მსურს გადმოგცეთ საჩუქარი გეორგიევსკის ბატალიონისგან. ინტერნაციონალური ბატალიონი... ვფიქრობ, ახლო მომავალში ბიჭები საკუთარ თავზე გამოაცხადებენ და გვაჩვენებენ რეზულტატებს, როგორც იტყვიან ხოლმე. მე სამხედრო თემატიკაში არ ვძვრები. მთხოვეს გადმომეცა მთავარი, ჭეშმარიტი სუვეროველისთვის, მთავარი სამხედრო ანალიტიკოსისთვისა და ექსპერტისთვის. საქართველოში ძალიან სერიოზულად გიყურებენ." - უთხრა ფიფიამ კლინცევიჩს.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან