ემირატების საინფორმაციო სააგენტო WAM-ის ცნობით, ისრაელის პრემიერ-მინისტრი ბენიამინ ნეთანიაჰუ კვირას, 27 სექტემბერს, არაბთა გაერთიანებულ საემიროებს ეწვია.

სააგენტოს ცნობით, არაბთა გაერთიანებული საემიროების პრეზიდენტმა შეიხ მოჰამედ ბინ ზაიდ ალ ნაჰიანმა ისრაელის პრემიერ-მინისტრი მიიღო. მხარეებმა ორ ქვეყანას შორის ურთიერთობები, ასევე მათი შემდგომი გაძლიერებისა და განვითარების შესაძლებლობები განიხილეს.

ადრე, Associated Press-მა, ნეთანიაჰუსთან დაახლოებულ წყაროებზე დაყრდნობით, გაავრცელა ინფორმაცია, რომ ისრაელის პრემიერ-მინისტრი შაბათ-კვირას არაბთა გაერთიანებულ საემიროებს მოულოდნელი ვიზიტით ეწვია. სააგენტოს ცნობით, ვიზიტის ერთ-ერთი მიზანი იყო არაბთა გაერთიანებული საემიროების ლიდერისთვის ეთხოვათ უარყო ინფორმაცია, რომ მან ნეთანიაჰუ 2023 წლის ოქტომბერში ჰამასის ისრაელზე თავდასხმის შესახებ წინასწარ გააფრთხილა.

ადრე, Haaretz-მა გამოაქვეყნა გამოძიება, რომლის თანახმადაც, არაბთა გაერთიანებული საემიროების პრეზიდენტმა ნეთანიაჰუს ჰამასის გეგმების შესახებ 7 ოქტომბრის თავდასხმამდე დაახლოებით ერთი კვირით ადრე აცნობა. გამოცემის ცნობით, ამ საუბრის შემდეგ, ისრაელის პრემიერ-მინისტრმა ინფორმაცია არ გადასცა ისრაელის თავდაცვის ძალების მაშინდელ შტაბის უფროსს, ჰერზი ჰალევის, ან სადაზვერვო სამსახურების ხელმძღვანელებს.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა