2026-09-28 10:07:03, 5031 ნახვა
ომი უკრაინაში
რუსეთის საჰაერო დარტყმების შედეგად ხარკოვში 22 ადამიანი დაშავდა, ხოლო კიევში - ოთხი
28 სექტემბრის ღამეს, რუსეთის არმიამ ხარკოვს შეუტია და სალტოვსკის რაიონში საცხოვრებელი კორპუსი დაბომბა. ადგილობრივი ხელისუფლების ცნობით, 22 ადამიანი დაშავდა, მათ შორის სამიდან 15 წლამდე ასაკის რვა ბავშვი. ორი ბავშვი საავადმყოფოში გადაიყვანეს.
უკრაინის საგანგებო სიტუაციების სახელმწიფო სამსახურის ცნობით, კიევში ღამით მომხდარი თავდასხმის შედეგად ოთხი ადამიანი დაშავდა. სამი დაშავდა პოდილსკის რაიონში, სადაც არასაცხოვრებელ შენობას ცეცხლი გაუჩნდა, ხოლო მეორე დარტყმამ მეზობელი საცხოვრებელი კორპუსის ფანჯრები დააზიანა. კიდევ ერთი დაშავდა ჰოლოსიევსკის რაიონში, სადაც დრონმა კერძო სახლს დაარტყა. პეჩერსკის და შევჩენკოვსკის რაიონებში საოფისე შენობებს ცეცხლი გაუჩნდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
