რუსეთმა, ასევე თვითგამოცხადებულმა რესპუბლიკებმა, აფხაზეთმა და სამხრეთ ოსეთმა, საქართველოსგან ძალის გამოყენების წინააღმდეგ იურიდიულად სავალდებულო გარანტიები მოითხოვეს.

ამის შესახებ ნათქვამია რუსეთის საგარეო საქმეთა მინისტრის მოადგილის, მიხაილ გალუზინის, დე ფაქტო აფხაზეთის საგარეო საქმეთა მინისტრის, ოლეგ ბარციცის და სამხრეთ ოსეთის ე.წ. პრეზიდენტის მრჩევლის, კონსტანტინ კოჩიევის შეხვედრის დასკვნით პრესრელიზში. გავრცელდა ინფორმაცია, რომ მათ 23 სექტემბერს მოსაზრებები გაცვალეს:

„დადასტურდა ერთობლივი ვალდებულება, გააგრძელონ ერთობლივი ქმედებების მჭიდრო კოორდინაცია IDS [საერთაშორისო დისკუსიები კავკასიაში უსაფრთხოებისა და სტაბილურობის შესახებ] ფორმატში, მათ შორის ნოემბერში დაგეგმილი შემდეგი რაუნდისთვის მოსამზადებლად. ხაზგასმული იყო აფხაზეთსა და სამხრეთ ოსეთში მდგრადი უსაფრთხოების უზრუნველყოფის პრიორიტეტი.

მოსკოვი, სოხუმი და ცხინვალი დარწმუნებულები არიან, რომ ამ ფუნდამენტური პრობლემის გადაჭრა შეუძლებელია იურიდიულად სავალდებულო გარანტიების შემუშავების გარეშე, რომ თბილისი არ გამოიყენებს ძალას ორი ახალგაზრდა რესპუბლიკის წინააღმდეგ, ასევე საქართველო-აფხაზეთის და საქართველო-სამხრეთ ოსეთის სახელმწიფო საზღვრების დელიმიტაციისა და მათი შემდგომი დემარკაციის გარეშე“, - ნათქვამია განცხადებაში.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა