გამოცემა Qartli.ge ავრცელებს ინფორმაციას, რომ ხაშურობისთვის ხაშურის მერია "20-წლიანი გამოცდილების რეპერს" ეძებდა. ადგილობრივი მედია წერს, რომ რეპერი შეარჩიეს და ის ზაზა ნოზაძეა.

"გვჭირდება 20-წლიანი გამოცდილების რეპერი" - წერია მოთხოვნაში, რომელიც ხაშურობის დღის აღსანიშნავად ხაშურის მერიამ შეადგინა. ხაშურობა წელს ზემო სერის ტყეში გაიმართება, ხაშურიდან რამდენიმე კილომეტრის დაშორებით. დღესასწაულის ორგანიზებისთვის დაიქირავეს ინდმეწარმე გიორგი ტაბატაძე, რომელსაც 93 000 ლარს გადაუხდიან.

გიორგი ტაბატაძემ 20-წლიანი გამოცდილების რეპერი უკვე მოძებნა. ხაშურობას რეპერი ზაზა ნოზაძე დაასრულებს. რამდენი შეხვდება 92 000 ლარიდან ნოზაძეს, ჯერ უცნობია", - წერს Qartli.ge 

მომღერალი ზაზა ნოზაძე კახა კალაძის საარჩევნო კლიპის ავტორია. "ძალიან მოხარული ვარ, რომ შემიძლია, ჩემი მხარდაჭერა გამოვხატო ჩემი მეგობრის, კახი კალაძის მიმართ და წარმატება მინდა ვუსურვო მას და მის გუნდს", - თქვა რეპერმა გასულ წელს, კალაძის საარჩევნო კლიპის პრეზენტაციაზე. 

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა

ტრამპმა ევროპას შესთავაზა, რუსული გაზის შესყიდვას დაუბრუნდეს

ფრანსუა ოლანდმა საფრანგეთის ხელისუფლებას მოუწოდა, ახალგაზრდებთან და პროფკავშირებთან მოლაპარაკებები დაიწყოს

ჩხუბისას თბილისში ორი პირი დაჭრეს- პოლიციამ სამი პირი დააკავა