2026-09-19 15:00:54, 2437 ნახვა
საზოგადოება
ბათუმში, ტრადიციულად წვიმის შედეგად ქუჩები დაიტბორა
ბათუმში, ტრადიციულად წვიმის შედეგად ქუჩები დაიტბორა. წვიმის შედეგად დაიტბორა რამდენიმე ქუჩა, რამდენიმე მსუბუქი ავტომობილი წყალში ჩაიძირა.
გარემოს ეროვნული სააგენტოს ინფორმაციით, 19 და 20 სექტემბერს საქართველოს უმეტეს ტერიტორიაზე დროგამოშვებით ნალექია მოსალოდნელი, ზოგიერთ ადგილზე ძლიერი ინტენსივობით.
სააგენტოს ცნობით, შესაძლებელია ელჭექი, სეტყვა და ქარის გაძლიერება.
მოსალოდნელმა ძლიერმა ნალექმა შესაძლოა მდინარეებში წყლის დონის მნიშვნელოვანი მატება და პატარა მდინარეებზე წყალმოვარდნები გამოიწვიოს.
ასევე, გორაკ-ბორცვიან და მთიან ზონებში მოსალოდნელია მეწყრულ-ღვარცოფული პროცესების ჩასახვა-გააქტიურება.
გარემოს ეროვნული სააგენტო საფრთხის დონეს საშუალოდ აფასებს.
ავტორი: გიორგი ბაზაევი, ექსპრესნიუსის რეპორტიორი 2010 წლიდან
epn.ge (@expressnews.ge)
