რუსმა ბლოგერმა და ტელეწამყვანმა ანასტასია ივლეევამ, საქართველოს ოკუპაციის შესახებ კანონი დაარღვია. რუსეთში სკანდალებით ცნობილმა ტელეწამყვანმა ოკუპირებული აფხაზეთის შესახებ საიმიჯო ფილმი გადაიღო.

ივლეევამ ოკუპირებულ ტერიტორიებზე იმოგზაურა.

2008 წლის აგვისტოს ომისა და რუსეთის მიერ საქართველოს საერთაშორისოდ აღიარებული ორი რეგიონის დამოუკიდებლობის ცნობის შემდეგ, თბილისმა მიიღო კანონი „ოკუპირებული ტერიტორიების შესახებ“.

კანონი ოკუპირებულ რეგიონებში უცხო ქვეყნის მოქალაქეებს შესვლის უფლებას მხოლოდ საქართველოს კონტროლირებადი ტერიტორიიდან აძლევს. აფხაზეთში - სამეგრელოდან, ცხინვალში კი - შიდა ქართლიდან. გამონაკლისია მხოლოდ „განსაკუთრებული შემთხვევები“ - როცა ვიზიტი „ემსახურება საქართველოს სახელმწიფო ინტერესებს, კონფლიქტის მშვიდობიანი მოგვარების, დეოკუპაციის ან ჰუმანიტარულ მიზნებს“.

კანონი, ასევე, ზღუდავს ეკონომიკურ საქმიანობას, საჰაერო, საზღვაო და სარკინიგზო მიმოსვლას, საერთაშორისო სატრანსპორტო გადაზიდვას, ბუნებრივი რესურსების მოპოვებას, ფულად გადარიცხვებს.

მისი დარღვევა ისჯება ჯარიმით ან 2-დან 4 წლამდე პატიმრობით.

2024 წელს რუსი მსახიობი და ბლოგერი, ანასტასია ივლეევა, „თითქმის შიშველის“ სახელით ცნობილი წვეულების ორგანიზატორი, რუსეთის არმიის დისკრედიტაციისთვის დააჯარიმეს

წვეულებამ „თითქმის შიშველი,“ რომელიც მოსკოვის ერთ-ერთ ღამის კლუბში შარშან გაიმართა, აღაშფოთა კანონმდებლები და კრემლის მომხრეები.

ივლეევამ და სხვა ცნობილმა პირმა საჯაროდ ბოდიში მოიხადეს საყოველთაო კრიტიკის ტალღის ფონზე, რადგან წვეულების დროს დაირღვა „ოჯახური ფასეულობები.“

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა