ეგვიპტის ტელეწამყვანი სარა ხალიფა და კიდევ 11 პირი ნარკოტიკებით ვაჭრობის საქმეში ჩამოხრჩობით სიკვდილით დასაჯეს.

სახელმწიფო გაზეთ „ალ-აჰრამის“ ცნობით, სასამართლომ ისინი კრიმინალური დაჯგუფების წევრებად ცნო, რომელიც ნარკოტიკების წარმოების კომპონენტებს შემდგომი გაყიდვის მიზნით შემოჰქონდა.

ბრალდების მხარის მტკიცებით, ჯგუფის წევრები ასევე უკანონოდ ფლობდნენ ცეცხლსასროლ იარაღს და საბრძოლო მასალას.

39 წლის ხალიფა ცნობილია, როგორც კრიმინალური თემატიკის გადაცემის „შეუსრულებელი მისია“ წამყვანი. მან ბრალდებები უარყო. მისმა ადვოკატმა განაცხადა, რომ დაცვის მხარე სიკვდილით დასჯის გასაჩივრებას აპირებს.

დანარჩენ ცხრა ბრალდებულს სამუდამო პატიმრობა მიესაჯა, შვიდი კი გაამართლეს.

სასჯელი გასულ თვეში გამოიტანეს, მაგრამ საბოლოოდ მხოლოდ მას შემდეგ დამტკიცდა, რაც სასამართლომ ეგვიპტის დიდი მუფტის მოსაზრება მიიღო, რაც სიკვდილით დასჯის სავალდებულო პროცედურაა.

გამოძიებისა და სასამართლო პროცესის დროს ხელისუფლებამ 750 კგ-ზე მეტი ნარკოტიკი და მათი წარმოებისთვის განკუთვნილი ნედლეული ამოიღო. „ალ-აჰრამის“ ცნობით, ბრალდება ასევე დაეყრდნო 20 მოწმის ჩვენებას და ელექტრონულ მტკიცებულებებს, მათ შორის მიმოწერას და ვიდეოჩანაწერებს.

სახელმწიფო გაზეთ „ახბარ ალ-იუმ“-ის ცნობით, გასული წლის სექტემბერში სასამართლო სხდომაზე ხალიფამ მოსამართლეს განუცხადა, რომ მანამდე ნარკოტიკები არასდროს ენახა და პირველად მაშინ ნახა, როდესაც ნარკოტიკებთან ბრძოლის სააგენტოს შენობაში მასთან ერთად გადაიღეს.

„ამნესტი ინტერნეშენალის“ მონაცემებით, 2025 წელს ეგვიპტეში 492 სიკვდილით დასჯა გამოიტანეს და 23 ადამიანი სიკვდილით დასაჯეს.

ადამიანის უფლებათა დამცველებმა აღნიშნეს, რომ მსჯავრდებულებს შორის იყვნენ ნარკოტიკებით ვაჭრობასა და გაუპატიურებაში დამნაშავედ ცნობილნი - დანაშაულები, რომლებიც საერთაშორისო სამართლის მიხედვით არ მიეკუთვნება „განზრახ მკვლელობის“ კატეგორიას, რაც სიკვდილით დასჯას ითვალისწინებს, იუწყება BBC News.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება