აშშ-ის პრეზიდენტმა დონალდ ტრამპმა განაცხადა, რომ რუსეთის ლიდერი ვლადიმერ პუტინი არ აპირებს ნატოს ტერიტორიაზე თავდასხმას.

მან ეს განცხადება თეთრ სახლში გამართულ პრესკონფერენციაზე გააკეთა.

ამერიკის პრეზიდენტს აგვისტოს დასაწყისში ლაიფციგის აეროპორტში დრონის ინციდენტის შესახებ ჰკითხეს, რომელშიც გერმანია რუსეთს ადანაშაულებს. ჟურნალისტმა გაიხსენა ტრამპის დაპირება, რომ მისი ხელმძღვანელობით რუსეთი ნატოს ტერიტორიას არ დაესხმებოდა თავს.

ამაზე მან უპასუხა, რომ მოსკოვს ასეთი განზრახვა არ აქვს.

„არა მგონია, პუტინი... მე მასთან ვსაუბრობ. ძალიან კარგად ვიცნობ. პუტინს ნატოს ტერიტორიაზე თავდასხმა არ აქვს“, - განაცხადა ტრამპმა.

შეგახსენებთ, რომ 1 სექტემბერს გერმანიის შინაგან საქმეთა მინისტრმა ალექსანდრ დობრინდტმა განაცხადა, რომ რუსეთი პასუხისმგებელია გასულ თვეში ლაიფციგ/ჰალეს აეროპორტში უკრაინული სატვირთო თვითმფრინავის მახლობლად ასაფეთქებელი ნივთიერებებით დატვირთულ დრონთან დაკავშირებულ ინციდენტზე.

ამ თემაზე დამატებითი ინფორმაციისთვის იხილეთ სტატია „გერმანია რუსეთის თავდასხმის ქვეშ“. ყველაფერი ლაიფციგის აეროპორტზე დრონის დარტყმისა და ბერლინის რეაქციის შესახებ.

ასევე, მედიის ცნობით, CIA-ს დირექტორმა ჯონ რეტკლიფმა აგვისტოს ბოლოს მოსკოვში ვიზიტის დროს გააფრთხილა რუსი ოფიციალური პირები, არ გაეზარდათ კონფლიქტი აშშ-ის ნატოს მოკავშირეებთან, განსაკუთრებით ესტონეთთან, ლატვიასა და ლიეტუვასთან.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება