„ნაციონალური მოძრაობის“ ერთ-ერთი ლიდერის, ხატია დეკანოიძის განცხადებით, ლაზარე ჯორბენაძის საქმესთან დაკავშირებით გამოკითხვაზე სასამართლოში გამოცხადდება. მისი თქმით, შექმნილ სისტემაზე პასუხისმგებლობა ბიძინა ივანიშვილს ეკისრება, რის გამოც საგამოძიებო უწყებებმა ისიც უნდა გამოჰკითხონ.

„ბიძინა ივანიშვილი არის შემოქმედი იმ სისტემის, რომელშიც ადამიანები სკამის, ფულის გამო ერთმანეთს ადებენ ხელს, ერთმანეთზე აძლევენ ჩვენებებს, ყველაფერს კადრულობენ და რა თქმა უნდა, კორუფციაში არიან ჩაფლულები. ამიტომ, გამოკითხვაზე დაიბარონ ბიძინა ივანიშვილი, კობახიძე, მდინარაძე და ყველა ის ადამიანი, ვინც ფულის გამო ყველანაირ სიბინძურეს კადრულობს. რაც შეეხება ამ გამოკითხვას, გასაგებად ვუთხარი, რომ მივალ სასამართლოში“, — განაცხადა დეკანოიძემ.

საქმე ეხება პროკურატურის მიერ გავრცელებულ განცხადებას, რომლის თანახმადაც, ლაზარე ჯორბენაძის გარდაცვალების საქმეზე უწყება უტყუარად ადასტურებს თვითმკვლელობის ფაქტს, თუმცა მსჯავრდებულ ირაკლი ღარიბაშვილისა და სხვა პირების საჯარო განცხადებების გამო გამოძიება რამდენიმე პოლიტიკოსისა და საზოგადოებრივი ფიგურის გამოკითხვას გეგმავს.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა