2026-09-02 13:17:07, 15241 ნახვა
რეგიონი
აზერბაიჯანში, საბრძოლო მასალის საწყობში ხანძარი და აფეთქება მოხდა
2 სექტემბრის ღამეს, აზერბაიჯანში, საბრძოლო მასალის საწყობში აფეთქება და ხანძარი მოხდა. საწყობი გორანბოის რაიონის სოფელ ნიზამის მახლობლად მდებარეობს.
საგანგებო სიტუაციების სამინისტროს, თავდაცვის სამინისტროსა და შინაგან საქმეთა სამინისტროს ერთობლივი განცხადების თანახმად, შესაბამისმა უწყებებმა დაუყოვნებლივ დაიწყეს საჭირო ზომების მიღება.
„სიტუაცია კონტროლის ქვეშაა. უსაფრთხოების ზომების ფარგლებში, მიმდებარე ტერიტორიების მაცხოვრებლები ევაკუირებულნი არიან. მსხვერპლი არ არის“, - ნათქვამია განცხადებაში.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
