2026-08-31 14:21:02, 781 ნახვა

---

ფრულავა- ოცნება არის კორუფციული კრიმინალური რეჟიმი, რომელიც სამთავრობო კაბინეტებს არა ხალხის საჭიროების, არამედ პირადი კეთილდღეობის მიხედვით ანაწილებს

„ოცნება“ არის კორუფციული კრიმინალური რეჟიმი, რომელიც სამთავრობო კაბინეტებს არა ხალხის საჭიროების, არამედ პირადი კეთილდღეობის მიხედვით ანაწილებს,- ასე შეაფასა „ნაციონალური მოძრაობის“ წევრმა ლაშა ფარულავამ პარლამენტის თავმჯდომარის შალვა პაპუაშვილის მიერ გაჟღერებული ინფორმაცია იმასთან დაკავშირებით, რომ რეგიონული პოლიტიკის საკითხებში სახელმწიფო მინისტრის თანამდებობა აღარ შეიქმნება.

„ეს არის კონკრეტული მაგალითი, როდესაც მამუკა მდინარაძე მათთან ერთად იყო, მას კაბინეტი შეუქმნეს მთავრობაში, რომ საკუთარი კეთილდღეობა მოეწყო ქართველი ხალხის ხარჯზე. ახლა აღარ არის მდინარაძე და აღარ იქნება შესაბამისი სამინისტრო. ეს არის კიდევ ერთი ნათელი დადასტურება, რომ „ქართული ოცნება“ მხოლოდ საკუთარ თავზე, საკუთარ კეთილდღეობაზე, ძალაუფლებასა და შემოსავალზე ზრუნავს და არა ქართველ ხალხზე, ქართველი ხალხის საჭიროებაზე. თუ ვინმე არის მოსაშორებელი ჩვენი ქვეყნიდან, სწორედ „ოცნების“ რეჟიმია“.- განაცხადა ლაშა ფარულავამ.

---

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

---

დღის თემა

მთავარი თემა

ინტერვიუ - ექსკლუზივი