ნორვეგია აპირებს, 2027 წელს უკრაინისთვის დახმარების 85 მილიარდ ნორვეგიულ კრონაზე (დაახლოებით 9.2 მილიარდი დოლარი) შენარჩუნებას, იტყობინება მთავრობის პრესსამსახური.

იგივე თანხაა გათვალისწინებული უკრაინისთვის დახმარებისთვის 2026 წელს ნანსენის პროგრამის ფარგლებში, რომელიც 2023 წლიდან 2030 წლამდე გაგრძელდება.

ნორვეგიის პრემიერ-მინისტრმა იონას გარ სტორემ ამის შესახებ კიევში ვიზიტის დროს განაცხადა. მან ხაზი გაუსვა ოსლოს ვალდებულებას, გააგრძელოს უკრაინისთვის სამხედრო და სამოქალაქო მხარდაჭერა რუსული სარაკეტო და დრონებით თავდასხმების გაძლიერების ფონზე.

კიევში სტორი მონაწილეობს უკრაინას, სკანდინავიურ და ბალტიისპირეთის ქვეყნებს შორის შეხვედრაში, სადაც განიხილება შემდგომი მხარდაჭერა და მოლაპარაკებებს მართავს უკრაინის წარმომადგენლებთან. მან ასევე მოინახულა ბაზარი ლუკიანივსკაიას მოედნის მახლობლად, რომელიც ბოლო დროს რუსული დარტყმების შედეგად დაზიანდა.

ნორვეგიის პრემიერ-მინისტრის თქმით, კიევში დაფიქსირებული ნგრევა აჩვენებს უკრაინის ქალაქებსა და ინფრასტრუქტურაზე მიმდინარე თავდასხმების შედეგებს.

ნანსენის პროგრამა უკრაინას გრძელვადიან დახმარებას სთავაზობს. 2026 წელს ნორვეგია ამ მიზნებისთვის 85 მილიარდ ნორვეგიულ კრონას გამოყოფს და ქვეყნის მთავრობა მომავალ წელსაც მსგავსი დაფინანსების დონის შენარჩუნებას გეგმავს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება