ევროკავშირში გაწევრიანება თურქეთისთვის პრიორიტეტი არ არის, განაცხადა პრეზიდენტმა რეჯეფ თაიფ ერდოღანმა Al Jazeera Arabic-თან ინტერვიუში.

მან განაცხადა, რომ ევროპა თავად არ ავლენს თურქეთის ევროკავშირში მიღების სურვილს და შედეგად, ევროპა ყველაზე მეტად კარგავს თურქეთის არყოფნით.

„ევროპა წაგებულია, რადგან თურქეთი ევროკავშირში არ არის“, - თქვა ერდოღანმა.

მან ასევე აღნიშნა, რომ მისი შეფასებით, ევროპა არ ავლენს თურქეთის თავის რიგებში მიღების სურვილს.

„ევროკავშირში გაწევრიანება ჩვენი პრიორიტეტებიდან არ არის“, - ხაზგასმით აღნიშნა თურქეთის პრეზიდენტმა.

ახლო აღმოსავლეთში არსებულ ვითარებაზე საუბრისას ერდოღანმა განაცხადა, რომ თურქეთს არ შეუძლია ღაზას მხარდაჭერის გარეშე მიატოვოს და ყველაფერს გააკეთებს პალესტინელი მოსახლეობის დასახმარებლად.

მან დასძინა, რომ ჰამასი პირნათლად ასრულებს თავის ვალდებულებებს, ხოლო ისრაელი აგრძელებს სამხედრო მოქმედებებს.

ერდოღანმა ასევე განაცხადა, რომ მან აშშ-ის პრეზიდენტ დონალდ ტრამპთან ლიბანში ომის დასრულების აუცილებლობა განიხილა. მან ლიბანის ტერიტორიაზე ისრაელის გაგრძელებული თავდასხმები ანკარისთვის შეშფოთების სერიოზულ წყაროდ შეაფასა და ხაზი გაუსვა აშშ-ის როლის მნიშვნელობას ისრაელის სამხედრო კამპანიის დასრულებაში ლიბანში.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ტრამპმა რუსეთის წინააღმდეგ სანქციების შეჩერების გადაწყვეტილება მთელი მსოფლიოსთვის სასარგებლოდ შეაფასა

რუბიო: უკრაინას ჯერ არ აქვს წვდომა Starshield-ის სამხედრო სისტემაზე

აშშ-ის ვიცე-პრეზიდენტმა საფრანგეთში მიმდინარე არეულობა დასავლეთის ქვეყნების საიმიგრაციო პოლიტიკას დაუკავშირა

Z-ბლოგერებმა უარყვეს რუსეთის გენერალური შტაბის მტკიცება, რომ მათ დონეცკის ოლქის ერთ-ერთი მნიშვნელოვანი ქალაქი დაიკავეს