„სოლიდუსის მფლობელმა“ გიორგი არველაძემ ფორმულას უთხრა, რომ საწვავი, რომელიც მან ოკუპირებულ აფხაზეთში შეიტანა, „რესპსოლისგან“ შეიძინა.

 „რესპსოლს“ ეკუთვნის ბენზინგასამართი სადგურების ქსელი „ქონექთი“. 

ინფორმაცია ამის შესახებ ფორმულას ჯერ კიდევ გუშინ ჰქონდა, თუმცა "ქონექთის" ხელმძღვანელობამ აფხაზეთში საწვავის მიწოდებასთან კავშირი კატეგორიულად უარყო. დღეს კი ამბობს, რომ არ იცოდა მისმა კლიენტმა 300 ტონა ბენზინი რა მიზნისთვის შეიძინა.

გუშინ კომპანია „სოლიდუსის" მფლობელმა გიორგი არველაძემ დაადასტურა, რომ ოკუპირებული აფხაზეთში საწვავი მისმა კომპანიამ შეიტანა.

 გიორგი არველაძის თქმით, საუბარია დაახლოებით 300 ტონა საწვავზე, რომელიც მისმა კომპანიამ, ენგურის ხიდის გავლით, "აფხაზ პარტნიორებს" მიაწოდა. 

"ვმუშაობ აფხაზ პარტნიორებთან ერთად. ეს არის ხიდი ქართულ და აფხაზურ ბიზნესს შორის", - აცხადებს გიორგი არველაძე.

 მისივე თქმით, საწვავი "ძირითადად გალის მოსახლეობისთვის, იქაური ბენზინგასამართი სადგურებისთვის" არის განკუთვნილი. 

***

ირაკლი კობახიძე ადასტურებს, რომ საწვავის მწვავე კრიზისის გამო ოკუპირებულ აფხაზეთში ბენზინი თბილისის კონტროლირებადი ტერიტორიიდან შევიდა. 

ირაკლი კობახიძემ ბრიფინგზე განმარტა, რომ ოკუპირებული აფხაზეთის მოსახლეობისთვის ბენზინი თბილისიდან ოკუპაციის შესახებ კანონის დაცვით ბიზნესმა შეიტანა. 

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება