თბილისის „იბერია“ ჯერ კიდევ თბილისშია, დიდი ბრიტანეთის ვიზების მოლოდინშია და ამის გამო ჩრდილოეთ ირლანდიაში „ლარნესთან“ სათამაშოდ გამგზავრებას ვერ ახერხებს, – ინფორმაცია კლუბში დაგვიდასტურეს.

საქართველოს ჩემპიონის ადმინისტრაციამ ჩარტერული რეისი დაჯავშნა. გუნდი უკვე ჩრდილოეთ ირლანდიაში უნდა ყოფილიყო და მატჩისწინა ვარჯიში გაემართა. მაგრამ სრულიად მოულოდნელი სავიზო პრობლემები შეექმნა და ამ დრომდე ელოდება, რომ სრული შემადგენლობით გაემგზავროს.

 ხვალ, თბილისური კლუბი ევროპა ლიგის მესამე საკვალიფიკაციო ეტაპის ფარგლებში ადგილობრივ "ლარნეს" უნდა შეხვდეს. თუკი, საკითხი ვერ გადაიჭრება, მაშინ სტუმრებს ტექნიკური წაგება ჩაეწერებათ: 0:3. ამდენად 11 აგვისტოს საპასუხო მატჩის წინ უპირატესობას "ლარნე" მოიპოვებს.

ამ წყვილში გამარჯვებული ინაღდებს კონფერენს ლიგის 36-გუნდიან ცხრილში თამაშს. თუმცა, თუკი პლეი ოფში გლაზგოს "რეინჯერსსა" და პოლონურ "იაგელონიას" შორის გამარჯვებულს დაჯაბნის, მაშინ ევროპა ლიგის ძირითად ბადესაც გამოკრავს ხელს. კონფერენს ლიგაზე 6 თამაშია და ძირითადი ბადე დეკემბერში მთავრდება, მაშინ როცა ევროპა ლიგაზე 8 თამაშია და კალენდრის მიხედვით ბადე 28 იანვარს სრულდება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა