საქართველოს პირველმა ლედიმ მაკა ჩიჩუამ დღეს, ბოულინგის ტურნირში მიიღო მონაწილეობა, რომელიც პროექტის „აქტიური ცხოვრება ჩემი სტიქიაა" ფარგლებში გაიმართა.

პრეზიდენტის ადმინისტრაციის პრესსამსახურის ინფორმაციით, ტურნირი „ახალგაზრდული მედია კავშირის" ორგანიზებით ჩატარდა. მისი მიზანი  შშმ პირთა აქტიური და დამოუკიდებელი ცხოვრების დემონსტრირება, საზოგადოების ცნობიერების ამაღლება და თანაბარი პირობების შექმნის ხელშეწყობაა.

მაკა ჩიჩუამ მონაწილეებს სიტყვით მიმართა და ასპარეზობაში წარმატება უსურვა.

„ როდესაც ადამიანებს აქვთ შეზღუდული შესაძლებლობა და აქამდე თითქოს ცოტა გარიყულები იყვნენ, ახლა ასე აღარ არის და გიგანტური ნაბიჯებით მივდივართ წინ. მივხვდით, რომ ყველას შეგვიძლია ფანტასტიურად კარგი კომუნიკაცია და გვაქვს საშუალება, რომ გვიყვარდეს ერთმანეთი.

„ახალგაზრდული მედია კავშირი" ყოველთვის ახერხებს სხვადასხვა ტიპის აქტივობების განხორციელებას და მათი სლოგანი „აქტიური ცხოვრება ჩემი სტიქიაა" ნამდვილად ამართლებს", - აღნიშნა მაკა ჩიჩუამ.

გუნდები დაკომპლექტებული  იყო შეზღუდული შესაძლებლობების მქონე პირებისა და საზოგადოების ცნობილი  წარმომადგენლებისაგან, რომლებიც ასევე ეტლებით ასპარეზობდნენ.

პირველ ეტაპზე მონაწილე გუნდებს შორის გამარჯვებული მაკა ჩიჩუას გუნდი გახდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო

ერთ წელიწადში საქართველოში 1560 ბავშვზე იძალადეს, მათ შორის 170-ზე სექსუალურად

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა