„საბა ჯიქიამ ციხეში 20 წლის იუბილე აღნიშნა, ანდრო ჭიჭინაძემ - 30 წლის, ხოლო გიორგი ჩიკვაიძემ - 40 წლის“, - დაწერა სოციალურ ქსელში საქართველოს მეხუთე პრეზიდენტმა, სალომე ზურაბიშვილმა, საპროტესტო აქციების დროს დაკავებული პირების მდგომარეობაზე კომენტარის გაკეთებისას.

„ისინი თავისუფალ საქართველოს სინდისით, ღირსებითა და განახლებული ენერგიით ააშენებენ. ციხეში გატარებული წლები, რომლებიც მათ და მათ ოჯახებს აუცილებლად ასმაგად დაუბრუნდებათ. მადლობა მათ ყველაფრისთვის და უპირველეს ყოვლისა იმისთვის, რაც დღეს ასე ძალიან გვჭირდება - მათი ადამიანობისა და პატრიოტიზმის მაგალითისთვის.

რა თქმა უნდა, ეს მადლიერება არა მხოლოდ ამ სამს, არამედ ყველა იმ ადამიანსაც ეხება, ვინც თავისი გამბედაობითა და უკომპრომისო ბრძოლით ციხეში ყოფნისას მაგალითი მისცა. განსაკუთრებით რეჟიმის წარმომადგენლების ფონზე, რომლებიც ყოველდღიურად აჩვენებენ უპატივცემულობის, კორუფციის, სიმხდალის, ტყუილის და სხვა მრავალი რამის მაგალითებს“, - დაწერა სალომე ზურაბიშვილმა Facebook-ზე.

ავტორი: ექსპრესნიუსი,

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს