საქართველოს მოქალაქე დაუსწრებლად გაასამართლეს უკრაინის მხარეს ომში მონაწილეობისთვის

2026-07-30 13:38:42, 1226 ნახვა

საზოგადოება

რუსული მედიის ცნობით, დონეცკის ოლქის ოკუპირებულ ტერიტორიაზე ე.წ. სასამართლომ უკრაინის მხარეს მებრძოლ საქართველოს მოქალაქეს, კახაბერ ამირანაშვილს, დაუსწრებლად 13 წლითა და ექვსი თვით თავისუფლების აღკვეთა მიუსაჯა უკრაინის შეიარაღებული ძალების მხარეს საომარ მოქმედებებში მონაწილეობის ბრალდებით.

რუსული საგამოძიებო ორგანოების ცნობით, ამირანაშვილი უკრაინაში 2022 წლის გაზაფხულზე ჩავიდა, შეუერთდა საქართველოს ეროვნულ ლეგიონს, გაიარა სამხედრო წვრთნები და 2022 წლის ივლისამდე იბრძოდა რუსეთის შეიარაღებული ძალების წინააღმდეგ.

რუსული მედიის ცნობით, დაკისრებული სასჯელი გულისხმობს მაქსიმალური უსაფრთხოების კოლონიაში პატიმრობას. საქართველოს მოქალაქეზე ასევე გამოცხადდა საერთაშორისო ძებნა.

Patreon P მხარი დაუჭირე "ექსპრესნიუსს" →

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან