თინათინ ბერძენიშვილი ხელახლა აირჩიეს საზოგადოებრივი მაუწყებლის გენერალურ დირექტორად.

2026-07-29 16:05:36, 969 ნახვა

საზოგადოება

თინათინ ბერძენიშვილი მეორე ვადით აირჩიეს საზოგადოებრივი მაუწყებლის გენერალურ დირექტორად. სამეურვეო საბჭოს სხდომაზე ბერძენიშვილის კანდიდატურას მხარი დაუჭირა საბჭოს რვა წევრმა, ხოლო ორმა წინააღმდეგ მისცა ხმა.

საზოგადოებრივი მაუწყებლის გენერალური დირექტორის თანამდებობაზე კანდიდატურა მხოლოდ ერთმა კანდიდატმა, თინათინ ბერძენიშვილმა წარადგინა.

საქართველოს კანონმდებლობის თანახმად, საზოგადოებრივი მაუწყებლის გენერალურ დირექტორს სამეურვეო საბჭო ღია კონკურსის საფუძველზე, ექვსი წლის ვადით ნიშნავს.

თინათინ ბერძენიშვილი ამ თანამდებობაზე პირველად 2020 წლის 25 სექტემბერს, ექვსი წლის ვადით აირჩიეს. შესაბამისად, მისი ამჟამინდელი ვადა 2026 წლის 25 სექტემბერს იწურება.

Patreon P მხარი დაუჭირე "ექსპრესნიუსს" →

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან