ირანის საგარეო საქმეთა მინისტრმა აბას არაღჩიმ განაცხადა, რომ მან უკრაინელი კოლეგისგან, ანდრეი სიბიჰასგან, მიიღო გარანტიები, რომ ირანულ გემზე თავდასხმა უნებლიე იყო და რომ კიევი არ ცდილობს შემდგომ ესკალაციას.

სოციალურ მედიაში გამოქვეყნებულ პოსტში ირანის საგარეო საქმეთა მინისტრმა განაცხადა, რომ უკრაინამ ინციდენტი უბედურ შემთხვევად მიიჩნია, მაგრამ ხაზგასმით აღნიშნა, რომ თეირანი ზიანის ანაზღაურებას ელის.

„უკრაინის საგარეო საქმეთა მინისტრმა ანდრეი სიბიჰამ დამარწმუნა, რომ ირანულ გემზე თავდასხმა უნებლიე იყო და რომ უკრაინა ესკალაციას არ ცდილობს“, - წერს არაღჩი.

მან დასძინა, რომ ირანსაც არ აქვს დაინტერესებული დაძაბულობის ესკალაციით, მაგრამ ასეთ ინციდენტებს მისაღებად არ მიიჩნევს.

„ირანიც არ ცდილობს ესკალაციას, მაგრამ ნათლად განაცხადა: ჩვენს მოქალაქეებზე ან ინტერესებზე ნებისმიერი თავდასხმა მიუღებელია. მიყენებული ზარალისთვის კომპენსაცია უნდა იყოს“, - განაცხადა მინისტრმა.

ირანულ გემზე თავდასხმის შესახებ ადრე გავრცელდა ინფორმაცია, რის შემდეგაც თეირანმა კიევისგან ახსნა-განმარტება მოითხოვა. ინციდენტის დეტალები და გემის დაზიანების ხასიათი ოფიციალურად არ გახმაურებულა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე