ჭადრაკის საერთაშორისო ფედერაციის (FIDE) პრეზიდენტმა, რუსეთის ხელისუფლების ყოფილმა მაღალჩინოსანმა არკადი დვორკოვიჩმა უფლებამოსილება შეიჩერა. აღნიშნული გადაწყვეტილების მიზეზი ევროკავშირის მიერ მის წინააღმდეგ დაწესებული სანქციები გახდა.

2026 წლის 23 ივლისს ევროკავშირმა დაამტკიცა სანქციების 21-ე პაკეტი, რომელიც უკრაინაში მიმდინარე ფართომასშტაბიანი ომის მხარდაჭერის გამო 200-ზე მეტ ფიზიკურ და იურიდიულ პირს შეეხო.

FIDE-ს ოფიციალურ ვებგვერდზე 23 ივლისს ღამით გამოქვეყნებულ განცხადებაში არკადი დვორკოვიჩმა აღნიშნა, რომ ევროკავშირის გადაწყვეტილებას „უკანონოდ და უსამართლოდ” მიიჩნევს და მის დაუყოვნებლივ გასაჩივრებას გეგმავს.

„სანამ სასამართლოს ოფიციალური გადაწყვეტილება იქნება, დაწესებულმა სანქციებმა შესაძლოა, ხელი შეუშალოს FIDE-ს სტაბილურად ფუნქციონირებას, რის გამოც ვიღებ გადაწყვეტილებას, შევიჩერო პრეზიდენტის უფლებამოსილება.“ — არკადი დვორკოვიჩი.

დვორკოვიჩის ეს გადაწყვეტილება ოფიციალურად უკვე დაამტკიცა FIDE-ს საბჭომ. სასამართლო დავების დასრულებამდე პრეზიდენტის მოვალეობას ორგანიზაციის ვიცე-პრეზიდენტი, ინდოელი დიდოსტატი და მსოფლიოს ყოფილი ჩემპიონი ვიშვანათან ანანდი შეასრულებს.

არკადი დვორკოვიჩი, რომელიც წარსულში რუსეთის ვიცე-პრემიერისა და პრეზიდენტის თანაშემწის პოსტებს იკავებდა, FIDE-ს სათავეში 2018 წლიდან დგას.

ევროკავშირის ახალი შეზღუდვები ეხება ბანკებს, კრიპტოვალუტის კომპანიებს, ნავთობით ვაჭრობის პლატფორმებსა და სხვა სტრატეგიულ სუბიექტებს (მათ შორის, სანქციები დაუწესდა ყულევის ქარხანასაც, რომლის შეზღუდვებიც „6 თვის შემდეგ“ ამოქმედდება).

ავტორი: ექსპრესნიუსი,

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება