თბილისის საქალაქო სასამართლომ სრულად გაიზიარა ბრალდების მხარის მტკიცებულებები და სახელმწიფო უსაფრთხოების სამსახურის ყოფილი უფროსის, გრიგოლ ლილუაშვილის ნათესავს, ანდრია ლილუაშვილს 12 წლით თავისუფლების აღკვეთა მიუსაჯა.

სასამართლოში დადასტურდა, რომ იგი ჩართული იყო თაღლითური ქოლ-ცენტრების საქმიანობაში, რომელთა მფარველობის სანაცვლოდაც გრიგოლ ლილუაშვილმა 2021-2022 წლებში, ანდრია ლილუაშვილის მეშვეობით, ქრთამის სახით 1 365 000 აშშ დოლარი მიიღო.

უკანონო და დაუსაბუთებელი შემოსავლების გათეთრების მიზნით, ანდრია ლილუაშვილი თანხებს საბანკო ანგარიშებზე ათავსებდა, აბანდებდა კომპანიებში და ყიდულობდა ქონებას საქართველოოოსა და საზღვარგარეთ.

განაჩენის შესაბამისად, ქრთამის მიცემის, ქრთამის აღებაში დახმარებისა და განსაკუთრებით დიდი ოდენობით უკანონო შემოსავლის ლეგალიზაციისთვის მსჯავრდებულს სახელმწიფოს სასარგებლოდ ჩამოერთვა დანაშაულებრივი გზით შეძენილი 35 მილიონი ლარის ღირებულების 70 უძრავი ქონება, 17 ავტომობილი, 125 დასახელების ძვირფასეულობა თუ ნახატი და საბანკო ანგარიშებზე არსებული თანხები.

ავტორი: ექსპრესნიუსი,

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება