Human Rights Watch საქართველოზე მორიგ ანგარიშს აქვეყნებს, სადაც ქართული არასამთავრობო ორგანიზაციების გარშემო ქართული ოცნების ხელისუფლების მიერ განხორციელებულ მოვლენებს აღწერს. 

ანგარიშში ხაზგასმულია, რომ საქართველოს ხელისუფლება დამოუკიდებელი სამოქალაქო საზოგადოების დასასუსტებლად და დასაშლელად იყენებს რეპრესიულ კანონებს, დაფინანსების შემზღუდავ წესებსა და პოლიტიკურად მოტივირებულ სისხლის სამართლის გამოძიებებს.

ორგანიზაცია წერს, რომ ახალი კანონები პრაქტიკულად მთელ უცხოურ დაფინანსებას მკაცრ სახელმწიფო კონტროლს უქვემდებარებს, დამოუკიდებელ აქტივისტებსა და ორგანიზაციებს აკისრებს სტიგმატიზებელ „უცხოური აგენტის“ იარლიყს და მათ მძიმე ჯარიმებითა და თავისუფლების აღკვეთით ემუქრება.

HRW აცხადებს, რომ ხელისუფლებამ უნდა გააუქმოს ეს გაუმართლებელი სამართლებრივი ზომები და უზრუნველყოს, რომ დამოუკიდებელმა ორგანიზაციებმა საქმიანობა სახელმწიფოს მხრიდან არასათანადო ჩარევის გარეშე შეძლონ.

გარდა ამისა, ორგანიზაცია აღნიშნავს, რომ საქართველოს საერთაშორისო პარტნიორებმა უნდა გააძლიერონ თავიანთი რეაგირება, გაზარდონ რეპრესიების პოლიტიკური ფასი, მათ შორის სანქციების გამოყენებით, და სასწრაფოდ გააფართოონ დამოუკიდებელი ორგანიზაციების მხარდაჭერა.

„საქართველოს ხელისუფლების მიზანია კრიტიკული ხმების ჩახშობა და ქვეყნის ძლიერი, დამოუკიდებელი სამოქალაქო საზოგადოების დაშლა, და ამ მიმართულებით იგი საგანგაშო პროგრესს აღწევს.

ხელისუფლება ქმნის ისეთ სისტემას, რომელშიც დამოუკიდებელი ორგანიზაციები ვეღარ შეძლებენ უსაფრთხოდ საქმიანობას, დაფინანსების მოპოვებასა და იმ თემების მხარდაჭერას, რომლებიც მათზე იყვნენ და კვლავაც არიან დამოკიდებული", - განაცხადა Human Rights Watch-ის ევროპისა და ცენტრალური აზიის დირექტორმა, ჰიუ უილიამსონმა.

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს