გიორგი მარგველაშვილი „აბრეშუმის გზის" საერთაშორისო ვაჭრობის პალატის თავმჯდომარეს შეხვდა

2016-04-05 17:03:47, 867 ნახვა

ეკონომიკა

საქართველოს პრეზიდენტი გიორგი მარგველაშვილი „აბრეშუმის გზის" საერთაშორისო ვაჭრობის პალატის თავმჯდომარეს ლიუ იანზონგს შეხვდა.

მხარეებმა „ახალი აბრეშუმის გზის" პროექტის პოლიტიკური, ეკონომიკური და კულტურული მნიშვნელობა განიხილეს.

როგორც შეხვედრისას გიორგი მარგველაშვილმა აღნიშნა, საქართველო პირველი ქვეყანაა რეგიონში, ვისთანაც ჩინეთი თავისუფალი ვაჭრობის ხელშეკრულებაზე მოლაპარაკებებს აწარმოებს.

მხარეებმა შეხვედრისას საქართველოში განხორციელებულ ეკონომიკურ რეფორმებზეც იმსჯელეს. ყურადღება გამახვილდა ინვესტორებისთვის ქვეყნის ეკონომიკური პოტენციალის მიმზიდველობაზე, დაბალ გადასახადებზე და ბიზნესის კეთების შესაძლებლობების მაღალ პოტენციალზე.

ხაზგასმით აღინიშნა ჰუალინგ ჯგუფის, როგორც ერთ-ერთი მსხვილი საინვესტიციო ჯგუფის საქმიანობის მნიშვნელობა.

საერთაშორისო ვაჭრობის აბრეშუმის გზის პალატის თავმჯდომარე ლიუ იანზონგი დელეგაციასთან ერთად, თბილისს 3 აპრილს ეწვია. სამდღიანი ვიზიტის მიზანი აბრეშუმის გზის რეგიონის სავაჭრო-ეკონომიკური და კულტურული ურთიერთობების განვითარების ხელშეწყობაა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან