დიდი ბრიტანეთის პრემიერ-მინისტრმა კირ სტარმერმა თავდაცვის ბიუჯეტის დამატებით 15 მილიარდი გირვანქა სტერლინგით გაზრდის გადაწყვეტილება მიიღო.

გავრცელებული ინფორმაციით, დამატებითი დაფინანსების უზრუნველსაყოფად მთავრობამ რამდენიმე მსხვილი რეგიონული ავტომაგისტრალის პროექტი შეაჩერა ან განუსაზღვრელი ვადით გადადო. ასევე შემცირდა მწვანე ენერგეტიკის სახელმწიფო სუბსიდიები და ინფრასტრუქტურის მოდერნიზაციისთვის გათვალისწინებული დაფინანსება.

მთავრობის გადაწყვეტილებით, თავდაცვის სამინისტროს გარდა, ყველა სხვა უწყების, ჯანდაცვისა და განათლების გამოკლებით, კაპიტალური ხარჯები 1%-ით შემცირდება.

ბრიტანული მედიის ცნობით, დამატებითი სახსრები მიმართული იქნება სამხედრო ტექნოლოგიების განვითარებაზე. დაფინანსება მოხმარდება დრონების წარმოებას, ხელოვნური ინტელექტის სამხედრო სისტემებში ინტეგრაციასა და იტალიასთან და იაპონიასთან ერთად მომავლის გამანადგურებელი თვითმფრინავის (GCAP) პროგრამას.

კირ სტარმერის განცხადებით, სამხედრო შეკვეთები ბრიტანულ საწარმოებში დაახლოებით 60 000 ახალ სამუშაო ადგილს შექმნის.

გადაწყვეტილების შედეგად დიდი ბრიტანეთის თავდაცვის ხარჯები ქვეყნის მთლიანი შიდა პროდუქტის 2.7%-ს მიაღწევს. მთავრობის მიზანია, ეს მაჩვენებელი ნატოს მიერ განსაზღვრულ 3%-იან ნიშნულამდე გაიზარდოს.

The Guardian-ის ანალიტიკოსები აღნიშნავენ, რომ ეს ნაბიჯი პრემიერისთვის გარკვეულწილად იძულებითიც იყო. მათივე თქმით, თავდაცვის ყოფილი მინისტრის, ჯონ ჰილის ხმაურიანმა გადადგომამ, რომელიც არმიის „სავალალო მდგომარეობაზე“ საუბრობდა, მთავრობას სერიოზული დარტყმა მიაყენა და ამ გადაწყვეტილებით სტარმერმა შეძლო სამხედრო ელიტაში დაწყებული პროტესტის ჩახშობა. ამასთანავე, დასავლელი მოკავშირეების, განსაკუთრებით კი ვაშინგტონის მზარდი წნეხის ფონზე, ლონდონს სურდა ეჩვენებინა, რომ იგი ნატოს წამყვან ევროპულ ძალად რჩება. 

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს