მონაკოს ცენტრში, საცხოვრებელ კომპლექსში მომხდარი აფეთქების შედეგად, ცნობილი ბიზნესმენი ვადიმ ერმოლაევი და მისი ოჯახის წევრები დაშავდნენ, - ინფორმაციას France 24-ი გამოძიების ანონიმურ წყაროებზე დაყრდნობით ავრცელებს.

ინციდენტი ორშაბათს, საღამოს 9 საათზე, „Sun’s Palace“-ის სახელით ცნობილი მრავალბინიანი კორპუსის ფოიეში მოხდა. წინასწარი მონაცემებით, სადარბაზოს შესასვლელში დატოვებული ზურგჩანთა აფეთქდა, რომელშიც ჭანჭიკებითა და ლითონის საფანტით გაძლიერებული ბომბი იყო მოთავსებული.

თავდასხმის სამიზნე, ბიზნესმენი ვადიმ ერმოლაევი და მისი მეუღლე/პარტნიორი ამ დრომდე საავადმყოფოში, კრიტიკულ მდგომარეობაში იმყოფებიან. მათთან ერთად მყოფი 13 წლის მოზარდი შედარებით მსუბუქი დაზიანებებით ნიცის სპეციალიზებულ კლინიკაში გადაიყვანეს.

უსაფრთხოების კამერების ჩანაწერებში ჩანს მამაკაცი, რომელმაც ჩანთა შენობის ჰოლში დატოვა და აფეთქებამდე რამდენიმე წამით ადრე ტერიტორია დატოვა. დამნაშავე ამ დრომდე მიმალვაშია.

მონაკოსა და საფრანგეთის სამართალდამცავი უწყებები დამნაშავის დასაკავებლად ერთობლივ საგამოძიებო ოპერაციას ატარებენ. მომხდარის გამო სამთავროში საგანგებო სიტუაციების უმაღლესი პროტოკოლი - ე.წ. „წითელი გეგმა“ ამოქმედდა. მონაკოს სახელმწიფო მინისტრმა, კრისტოფ მირმანმა განაცხადა, რომ ყველაფერი მიუთითებს წინასწარ დაგეგმილ ტერორისტულ თავდასხმაზე, რაც რეგიონისთვის სრულიად უცხო მოვლენაა. ამ ეტაპზე პროკურატურა თავდასხმის კონკრეტულ მოტივებზე ოფიციალურად არ საუბრობს.

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს