ვოლოდიმირ ზელენსკიმ საჰაერო თავდაცვის სისტემების დეფიციტის შესახებ დონალდ ტრამპს წერილი გაუგზავნა, - ინფორმაციას უკრაინული მედია ქვეყნის პრეზიდენტის მიერ ამერიკელი კოლეგისთვის გაგზავნილ წერილზე დაყრდნობით ავრცელებს.

უკრაინის პრეზიდენტის, ვოლოდიმირ ზელენსკის წერილში საუბარია უკრაინაში საჰაერო თავდაცვის სისტემების, კერძოდ, ბალისტიკური რაკეტების საწინააღმდეგო სისტემების დეფიციტის შესახებ.

„როდესაც საქმე რაკეტებისგან საჰაერო თავდაცვას ეხება, ჩვენ ჩვენს მეგობრებზე ვართ დამოკიდებული. ხოლო როდესაც საქმე ბალისტიკური რაკეტებისგან თავდაცვას ეხება, ჩვენ თითქმის მთლიანად აშშ-ზე ვართ დამოკიდებული“, - ნათქვამია ზელენსკის წერილში.

ასევე, ზელენსკი წერს, რომ ნატო-ს „PURL პროგრამის ფარგლებში იარაღის მიწოდების ტემპი არსებული საფრთხის რეალობას აღარ შეესაბამება“.

„უკრაინელი ხალხის სახელით, აშშ-ს პრეზიდენტსა და კონგრესს პატივისცემით ვთხოვ, რომ პროცესში ჩართულები დარჩნენ და დაგვეხმარონ რუსული ტერორისგან დასაცავად კრიტიკულად მნიშვნელოვანი ინსტრუმენტის, Patriot PAC-3 რაკეტებისა და დამატებითი სისტემების უზრუნველყოფაში, რათა რუსული ბალისტიკური რაკეტები და სხვა რუსული სარაკეტო თავდასხმები შევაჩეროთ“, - წერს ზელენსკი.

ავტორი: ექსპრესნიუსი,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს