პარტია თავისუფლების მოედნის განცხადებით, გორში, პოლიციელების მხრიდან მოქალაქეზე ძალადობა ქართული ოცნების პოლიტიკის შედეგია. მათი განცხადებით, სამართლებრივ შედეგს უნდა მოჰყვეს რეჟიმის პოლიტიკური პასუხისმგებლობაც. 

"პოლიციელების მიერ ადამიანების ცემის გორში მომხდარი ფაქტი, რომელიც გავრცელებული ვიდეო კადრებით იხილა საზოგადოებამ, ქართული ოცნების პოლიტიკის გარდაუვალი შედეგია.

ლეგიტიმაციის კრიზისის ფონზე ქართულ ოცნებას არაფერი აქვს შესათავაზებელი საკუთარი მოქალაქეებისთვის, გარდა შიშველი ძალადობისა, რომლის სისტემურ საყრდენს შინაგან საქმეთა სამინისტრო წარმოადგენს.

შეგახსენებთ, რომ შინაგან საქმეთა სამინისტროს ხელმძღვანელი ადამიანის უფლებების დარღვევისთვის სანქცირებული პირია, რომელსაც სულ ახლახანს გამოუცხადა ნდობა ქართული ოცნების პარლამენტმა.

ამ ვითარებაში, დაუყოვნებლივ სამართლებრივ რეაგირებას უნდა მოყვეს რეჟიმის პოლიტიკური პასუხისმგებლობა. ქართული ოცნების პირობებში არ არსებობს სამართალი და დაუცველია ადამიანის ღირსება". - ნათქვამია განცხადებაში. 

ავტორი: ექსპრესნიუსი,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს