ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო

2026-04-20 09:05:55, 2141 ნახვა

საზოგადოება

"ღმერთია და ექიმი არ სჭირდებაო" - ინგა ბოლოთაური ბერი ნიკოლოზის სახლთან გადაღებულ ვიდეოს აქვეყნებს. ვიდეოში ჩანს, რომ მრევლი, ნარიმან მაქარაშვილის მეგობრებს არც ბინაში უშვებს და არც სასწრაფოს გამოძახების შესაძლებლობას აძლევს

ბოლოთაურის ცნობით, განცხადებით მიმართეს შსს-ს.

"გარკვეული პირების, ლევან ჯოგლიძის, ალექსანდრე პეტრიაშვილის და სხვა პირების მიერ შექმნილია იერარქიული სისტემის არარეგისტრირებული დაჯგუფება. [...] მიმდინარე წლის 9 აპრილს, ვნების შვიდეულში, დიდ ხუთშაბათს შეურაცხყოფა მიაყენეს და დაემუქრნენ ბერ ნიკოლოზთან მისულ ბერის მეგობარს მალხაზ ჯინორიას, რომელმაც მიიყვანა უძლურებაში მყოფ ბერ ნიკოლოზთან ექიმი". - ნათქვამია განცხადებაში.

ცნობისთვის, გარდაიცვალა ბერი ნიკოლოზ (ნარიმან) მაქარაშვილი. როგორც ტაბულას შსს-ში უთხრეს, მომხდარზე გამოძიება 115-ე მუხლით დაიწყო, რაც თვითმკვლელობამდე მიყვანას გულისხმობს