თბილისის მერიაში ევროკავშირის დახმარების ინსტრუმენტების, პროგრამებისა და პროცედურების შესახებ პრეზენტაცია გაიმართა.

როგორც „ექსპრესნიუსს“ თბილისის მერიიდან აცნობეს, შეხვედრას ესწრებოდნენ თბილისის მერი დავით ნარმანია,  ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე. ასევე,  მერიის საქალაქო სამსახურებისა  და მინისტრის აპარატის წარმომადგენლები.

მათივე ინფორმაციით, პრეზენტაცია  მიზნად ისახავს მერიის თანამშრომლებისთვის აღნიშნული დახმარებების შესახებ ინფორმაციის მიწოდებას,  ევროკავშირთან არსებული თანამშრომლობის გაღრმავებასა და მერიის თანამონაწილეობის გაზრდას ევროკავშირის პროგრამებსა და პროექტებში.

„მისასალმებელია, რომ თბილისის მერიისთვის გაკეთდა აღნიშნული პრეზენტაცია. ევროკავშირი ძალიან მნიშვნელოვან და საინტერესო ინსტრუმენტებს გვთავაზობს.  მათ კიდევ უფრო აქტიურად გამოვიყენებთ მომავალში, ვინაიდან გვეცოდინება ყველა ის ინსტრუმენტი და ბერკეტი, რითიც შევძლებთ დამატებითი მხარდაჭერა მივიღოთ ევროკავშირისგან. ჩვენ აქტიურად ვმუშაობთ ცალკეულ ევროპულ საფინანსო ინსტიტუტებთან. აღნიშნული პრეზენტაცია დაგვეხმარება კიდევ უფრო აქტიურად გავაგრძელოთ მუშაობა და მათგან მეტი მხარდაჭერა მივიღოთ იმ რეფორმების პროცესში, რასაც ვახორციელებთ ადგილობრივი თვითმმართველობისა და მუნიციპალური მომსახურების მიწოდების სფეროებში“,-განაცხადა დავით ნარმანიამ.

პრეზენტაცია ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის ინიციატივით გაიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი