უკრაინული მედიის ინფორმაციით, უკრაინამ რუსეთის ტყვეობიდან 182 ადამიანი დაუბრუნა. ინფორმაციას უკარაინული მედია უკრაინის პრეზიდენტზე, ვოლოდიმირ ზელენსკიზე დაყრდნობით ავრცელებს. 

უკრაინის პრეზიდენტის ცნობით, ტყვეობიდან დაბრუნებულებს შორის არიან უკრაინის შეიარაღებული ძალების, ეროვნული გვარდიისა და სახელმწიფო საზღვრის დაცვის სამსახურის სამხედრო მოსამსახურეები, ასევე, სამოქალაქო პირები.

"ჩვენი მეომრები უკრაინას სხვადასხვა ფრონტზე იცავდნენ: მარიუპოლის, ჩერნობილის ატომური ელექტროსადგურის, დონეცკის, ლუგანსკის, ხარკოვის, ხერსონის, ზაპოროჟიეს მიმართულებებზე. ზოგიერთი მათგანი დაჭრილია. უმეტესობა ტყვეობაში 2022 წლიდან იმყოფებოდა", - თქვა ზელენსკიმ.

ასევე უკრაინაში სააღდგომო ზავის რეჟიმი ამოქმედდა. სააღდგომო ზავის ამოქმედების შესახებ განცხადება გაავრცელა რუსეთმაც.

პუტინის ბრძანების თანახმად, ცეცხლის შეწყვეტა 11 აპრილის 16:00 საათიდან დაიწყო და 12 აპრილის დღის ბოლომდე გაგრძელდება.

პუტინმა რუსეთის თავდაცვის მინისტრს და შეიარაღებული ძალების გენერალური შტაბის უფროსს ამ პერიოდში ყველა მიმართულებით საბრძოლო მოქმედებების შეწყვეტა დაავალა.

უკრაინის პრეზიდენტის ვოლოდიმირ ზელენსკის განცხადებით, უკრაინა, სააღდგომო ზავთან დაკავშირებით, რუსეთის ქმედებების შესაბამის ნაბიჯებს გადადგამს.

"უკრაინამ არაერთხელ განაცხადა, რომ მზად ვართ სარკისებური ნაბიჯებისთვის. წელს სააღდგომო დღესასწაულის დროს ცეცხლის შეწყვეტის შეთავაზებით გამოვედით და შესაბამისად ვიმოქმედებთ.

ხალხს სჭირდება აღდგომა მუქარის გარეშე და მშვიდობისკენ რეალური პროგრესი, ხოლო რუსეთს აქვს შანსი, რომ აღდგომის შემდეგ თავდასხმებს აღარ დაუბრუნდეს", - თქვა ზელენსკიმ.

თავდაპირველად, უკარაინის პრეზიდენტმა 30 მარტს განაცხადა, რომ უკრაინა მზადა იყო აღდგომის დღესასწაულის დროს ცეცხლის შეწყვეტისთვის და ე.წ. ენერგეტიკული ზავისთვის თუ ამას რუსეთი მიიღებდა.

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს