ახალქალაქისა და კუმურდოს მიტროპოლიტის, მეუფე ნიკოლოზ ფაჩუაშვილის განცხადებით, სინოდის სხდომაზე განხილვა ძირითადად პროცედურულ საკითხებს დაეთმო, რაც მრავალი ნიუანსის გამო ხანგრძლივი აღმოჩნდა.

„ერთადერთი საკითხი, რაზე ვიმსჯელეთ ეს არის პროცედურული საკითხი, რომელსაც ბევრი ნიუანსი აქვს, ამიტომ გაგრძელდა დიდხანს. ბევრი ვიმსჯელეთ დაწყებული იქიდან თუ სად შეიძლება ჩატარდეს გაფართოებული სხდომა. დიდი რაოდენობის ადამიანია მოსალოდნელი გაფართოებულ კრებაზე. დაახლოებით, 2000 ადამიანს ველოდებით. ტექნიკური თვალსაზრისით, ამხელა კრების ჩატარება არ არის ადვილი. გადაწყდა, რომ სამების ტაძარში ჩატარდება. ამას დასჭირდება შეზღუდვები, დაცვა და სხვა. გარდა ამისა, ვიმსჯელეთ იმაზე თუ როგორი იქნება პროცედურა. კიდევ ერთი სინოდის სხდომა იქნება, რომელზეც ჩვენ ავარჩევთ კანდიდატებს, ვფიქრობთ, რომ შემდგი სინოდის სხდომაც დიდხანს გაგრძელდება. კანდიდატები სათითაოდ იქნება განხილული, კენჭისყრაც, კანდიდატებიდან ყველაზე მეტ ხმას ვინც მოაგროვებს ის იქნება გაფართოებულ სხდომაზე.

რაც შეეხება ასაკსა და განათლებასთან დაკავშირებულ შეზღუდვებს, გადავწყვიტეთ, რომ შემდეგი სინოდის სხდომაზე ვისაუბრებთ. დავადგენთ საერთოდ ვინ შეიძლება იყოს კანდიდატი. ამ ეტაპზე დებულების შეცვლა გამორიცხულია, შესაბამისად, ამ დებულებით ვიხელმძღვანელებთ.

გაფართოებული სხდომა უფრო საჯაროობისთვის არის. ამ სხდომაზე შეიძლება მოვისმინოთ ვიღაცის მოხსენება, რომელმაც სინოდის წევრების გადაწყვეტილებზე მოახდინოს გავლენა.

გადავწყვიტეთ, რომ როცა დადგებიან კანდიდატები, მაშინ ვისაუბროთ ყველა დეტალებზე“,- განაცხადა მეუფე ნიკოლოზმა.

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს