ეუთო-ს საპარლამენტო ასამბლეის პრეზიდენტის პერე ჟოან პონს სამპიტროს განმარტებით, დიალოგის არარსებობის საკითხი დააყენეს პრემიერ-მინისტრთან, პრეზიდენტთან, პარლამენტის თავმჯდომარესთან შეხვედრაზე და ოპოზიციასთანაც.

 მთავრობის ადმინისტრაციაში შეხვედრის შემდეგ, სამპიეტროს პასუხი ჟურნალისტის კითხვას მოყვა, თუ როგორ შეაფასებს “ქართული ოცნების” ბოლო ქმედებებს, „რამდენადაა მათი ნაბიჯები ანტიდემოკრატიული და ირღვევა თუ არა საქართველოში მოქალაქეების უფლებები“.

„პირველ რიგში, მინდა, ვთქვა, რომ ეს იყო გულახდილი და ნაყოფიერი ვიზიტი. მეორე მნიშვნელოვანი საკითხი ისაა, რომ პირველივე დღეს შევხვდით იძულებით გადაადგილებულ პირებს, რომლებიც დაბრუნებას ვერ ახერხებენ.

ჩვენთვის ძალზე მნიშვნელოვანი იყო ამ ადამიანებთან სიახლოვე. ეს ორგანიზაცია საპარლამენტო ასამბლეაა, რომელშიც 300-ზე მეტი პარლამენტარია გაერთიანებული, თუმცა მისი მთავარი მიზანი მოსახლეობის ინტერესების დაცვაა. ჩვენ ერთ მილიარდზე მეტ ადამიანს წარმოვადგენთ და ქალთა საერთაშორისო დღეს სწორედ მათთან სიახლოვე იყო ჩვენთვის უმნიშვნელოვანესი.

ვიზიტის ერთ-ერთი მთავარი შედეგია, რომ შევძელით ყველა მხარესთან საუბარი. საპარლამენტო ასამბლეა ბოლო ექვსი-შვიდი თვის განმავლობაში ყველა მხარესთან მუშაობდა. ის, რაც ბოლო ორი დღის განმავლობაში იხილეთ, სწორედ ამ თვეების მუშაობის შედეგია. შევძელით თითქმის ყველა ოპოზიციურ პარტიასთან, ასევე, პრემიერ-მინისტრთან, პრეზიდენტთან, საგარეო საქმეთა მინისტრთან, პარლამენტის სპიკერთან შეხვედრა და ყველა მნიშვნელოვანი საკითხის დაყენება. ჩვენ ვისაუბრეთ დიალოგის არარსებობაზე, ბოიკოტზე და ძალადობაზე. ეს ორგანიზაცია გმობს ძალადობის ნებისმიერ გამოვლინებას, თუმცა დემოკრატიულმა სისტემებმა ასევე უნდა დაიცვან მოქალაქეთა უფლებები. დიალოგის არარსებობის საკითხი დავაყენეთ პრემიერ-მინისტრთან, პრეზიდენტთან, პარლამენტის სპიკერთან და ოპოზიციასთანაც. და უნდა ვთქვა — ამ ქვეყანაში დიალოგი არ არსებობს. შეიძლება, განსხვავებული შეხედულებები გვქონდეს, მაგრამ ჩვენი საყრდენი 2024 წლის მოხსენებაა და მიგვაჩნია, რომ ერთობლივად უნდა ვიმუშაოთ მისი რეკომენდაციების შესასრულებლად“, – განაცხადა ეუთო-ს საპარლამენტო ასამბლეის პრეზიდენტმა.

ავტორი: ექსპრესნიუსი,

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის