უნგრეთის საგარეო საქმეთა მინიტრი პიტერ სიიარტო ამბობს, რომ ორშაბათს ბუდაპეშტი დაბლოკავს ევროკავშირის მიერ რუსეთის წინააღმდეგ სანქციების მე-20 პაკეტის მიღებას.

ამის შესახებ მან X-ზე დაწერა და მიზეზად დაასახელა, რომ უკრაინა მილსადენ დრუჟბის გავლით ნავთობის ტრანზიტს არ ახორციელებს.

"უნგრეთი ამ პაკეტს დაბლოკავს. ვიდრე უკრაინა დრუჟბის მილსადენით უნგრეთსა და სლოვაკეთში ნავთობის ტრანზიტს არ განაახლებს, ჩვენ კიევისთვის მნიშვნელოვანი გადაწყვეტილებების მიღებას არ დავუშვებთ", - დაწერა მან X-ზე.

უკრაინის საგარეო საქმეთა სამინისტრო განცხადებით გამოეხმაურა უნგრეთისა და სლოვაკეთის მთავრობების მუქარებს, რომლის თანახმადაც, თუ კიევი მილსადენ დრუჟბას გავლით ნავთობის ტრანზიტს არ აღადგენდა, მაშინ ისინი საპასუხოდ ელექტროენერგიის მიწოდებას შეაჩერებდნენ.

"ულტიმატუმები კრემლს გაუგზავნეთ და არა კიევს", - განაცხადა უკრაინის საგარეომ.

სლოვაკეთი და უნგრეთი უკრაინას საგანგებო მნიშვნელობის მქონე ელექტროენერგიის მიწოდების შეწყვეტით ემუქრებიან.

სლოვაკეთის პრემიერმა რობერტ ფიცომ თქვა, რომ თუ კიევი ორშაბათამდე არ უზრუნველყოფს რუსული ნავთობის ტრანზიტის აღდგენას სლოვაკეთში, ის ელექტროენერგიის ექსპორტის შეწყვეტას დაიწყებს.

აღსანიშნავია, რომ ევროკავშირის ქვეყნებიდან, მხოლოდ უნგრეთისა და სლოვაკეთის ნავთობგადამამუშავებელი ქარხნები იყენებენ დრუჟბას მილსადენით შესულ რუსულ ნავთობს - თუმცა, უკრაინის გავლით დრუჟბას ნავთობსადენით 27 იანვრის შემდეგ ნავთობი აღარ მიეწოდებათ.

უკრაინის განცხადებით, ამის მიზეზი ნავთობსადენზე რუსეთის თავდასხმაა, ხოლო სლოვაკეთი და უნგრეთი უკრაინას ნავთობის მიწოდების განზრახ შეჩერებაში ადანაშაულებენ.

გარდა ამისა, Reuters-ის სტატიიდან ცნობილი ხდება, რომ როგორც უნგრეთმა, ასევე სლოვაკეთმა განაცხადეს, რომ უკრაინისთვის დიზელის ექსპორტს შეაჩერებენ.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times