დევნილთა და განსახლების მინისტრმა სოზარ სუბარმა და იმერეთის გუბერნატორმა გივი ჭიჭინაძემ იმერეთის რეგიონში, „სოფლად სახლის“ პროექტის ფარგლებში დევნილი ოჯახებისთვის შესყიდული სახლები მოინახულეს.

ლტოლვილთა და განსახლების სამინისტროს ინფორმაციით, დევნილთა და განსახლების მინისტრი და იმერეთის გუბერნატორი აფხაზეთიდან დევნილ იზოლდა მანდარიას 6-სულიან ოჯახს ესტუმრნენ. დევნილი ოჯახი წლების განმავლობაში ქუთაისში, ნაქირავებ ბინაში ცხოვრობდა. სამინისტრომ იზოლდა მანდარიას ოჯახს წყალტუბოში, კერძო სახლი საკარმიდამო ნაკვეთით და 2 ჰექტარი ხეხილის ბაღი შეუძინა.

უწყების ინფორმაციით, საცხოვრებელი სახლი დევნილებმა თავისი სურვილის მიხედვით შეარჩიეს. მნიშვნელოვანია, რომ განსახლების პარალელურად დევნილ ოჯახს შემოსავლის წყაროც გაუჩნდა.

სოზარ სუბარი აფხაზეთიდან დევნილ ილონა ბზიკაძესაც შეხვდა, რომელიც ამ დრომდე 5 მცირეწლოვან შვილთან ერთად, ხონში ნათესავის ბინაში ცხოვრობდა. სამინისტრომ ილონა ბზიკაძის ოჯახისათვის ხონის რაიონში კერძო სახლი და ხეხილის ბაღი შეისყიდა.

2012 წლიდან დღემდე „სოფლად სახლის“ პროექტის ფარგლებში დევნილი ოჯახებისთვის სამინისტრომ 787 სახლი შეისყიდა, მათ შორის 200 კი იმერეთის რეგიონში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი