პარიზში პირველი სამუშო ვიზიტით მყოფი საქართველოს შს მინისტრი ფრანგ კოლეგას, ბერნარ კაზენევს შეხვდა.

შსს-ს ინფორმაციით, შეხვედრაზე მხარეებმა თანამშრომლობის აქტუალური საკითხები განიხილეს და ხაზი გაუსვეს ერთობლივი ძალისხმევის მნიშვნელობას უკანონო მიგრაციისა და ტრანსნაციონალური, ორგანიზებული დანაშაულის წინააღმდეგ ბრძოლაში.

გიორგი მღებრიშვილი ფრანგ კოლეგას საქართველოს შს სამინისტროში მიმდინარე და დაგეგმილ რეფორმებზე ესაუბრა.

ბერნარ კაზენევმა საქართველოს შს მინისტრს პარიზში ვიზიტისთვის მადლობა გადაუხადა და განაცხადა, რომ აფასებს იმ პროგრესს, რასაც საქართველომ სავიზო რეჟიმის ლიბერალიზაციის სამოქმედო გეგმის იმპლემენტაციისას მიაღწია და შესაბამისად, ევროკომისიის ანგარიშში დადებითად აისახა.

როგორც გიორგი მღებრიშვილმა შეხვედრაზე აღნიშნა - „შენგენის ქვეყნებში უვიზო მიმოსვლას ძალიან დიდი პოლიტიკური და სტრატეგიული მნიშვნელობა აქვს საქართველოსა და მისი მოქალაქეებისათვის“. მან იმედი გამოთქვა, რომ ევროკავშირის ქვეყნებში საქართველოს მოქალაქეებისთვის უვიზო მიმოსვლაზე საბოლოო პოზიტიური გადაწყვეტილება იქნება მიღებული.

საფრანგეთის შს მინისტრმა ყურადღება გაამახვილა არალეგალურ მიგრანტთა და ორგანიზებული დანაშაულის პრობლემებზე. თავის მხრივ, გიორგი მღებრიშვილმა ხაზი გაუსვა, რომ ამ საკითხების დასაძლევად ქვეყნებს შორის საპოლიციო თანამშრომლობას ალტერნატივა არ გააჩნია. საქართველოს შს მინისტრმა როგორც ოპერატიულ, ასევე არაოპერატიულ დონეზე საფრანგეთის პოლიციასთან თანამშრომლობის კიდევ უფრო გაღრმავების თაობაზე სრული მზაობა გამოხატა.

გიორგი მღებრიშვილის თქმით, საქართველოს ევროკავშირის 15 ქვეყანასთან უკვე დადებული აქვს საერთაშორისო ხელშეკრულება დანაშაულთან ბრძოლის კუთხით. უახლოეს პერიოდში საქართველოს შს სამინისტროსა და ევროპოლს (ევროპის პოლიციის სამსახური) შორის გაფორმდება შეთანხმება ოპერატიული და სტრატეგიული თანამშრომლობის შესახებ. ასევე, განსაკუთრებული ყურადღება ეთმობა ქვეყნის საზღვრების უსაფრთხოების გაძლიერებას და არალეგალურ მიგრაციასთან ბრძოლას.

საქართველოსა და საფრანგეთის შინაგან საქმეთა მინისტრებმა ხაზგასმით აღნიშნეს ორი ქვეყნის კრიმინალურ პოლიციებს შორის არსებული წარმატებული თანამშრომლობა, მათ შორის, პოლიციის ატაშეების მონაწილეობით.

გიორგი მღებრიშვილი და ბერნარ კაზენევი სამართალდამცავ სტრუქტურებს შორის სამომავლო ურთიერთობების კიდევ უფრო გაღრმავებაზე შეთანხმდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ილონ მასკმა უკრაინის შეიარაღებული ძალები Starlink-ის შეტევითი თავდასხმებისთვის გამოყენებაში დაადანაშაულა

იტალიაში ახალი საპროტესტო აქციები გაიმართა: 400-მდე დემონსტრანტი დააკავეს

აშშ-ის სენატორებმა მოითხოვეს Starlink-ის რუსეთის ტერიტორიაზე საჰაერო დარტყმებისთვის გამოყენების ნებართვა

საფრანგეთში ფასების ზრდის წინააღმდეგ საპროტესტო აქციები განახლდა - ორგანიზატორების თქმით, 800 000 ადამიანი მონაწილეობდა.