დიდი ბრიტანეთის მეფე ჩარლზ III-მ განცხადება გაავრცელა მისი ძმის, ენდრიუ მაუნტბატენ-უინძორის, თანამდებობის ბოროტად გამოყენებისთვის დაკავებასთან დაკავშირებით, რომელშიც მხარდაჭერა გამოთქვა შემდგომი გამოძიების მიმართ.

The Guardian ციტირებს მონარქის განცხადებას.

მეფემ განაცხადა, რომ ყოფილი პრინცი ენდრიუს დაკავების შესახებ ინფორმაცია „შეშფოთებით“ მიიღო და იმედი გამოთქვა სამართლიანი სასამართლო პროცესის ჩატარების.

„ახლა სრული, სამართლიანი და სათანადო პროცესი მიმდინარეობს, რომლის მეშვეობითაც ეს საკითხი სათანადოდ და შესაბამისი ორგანოების მიერ იქნება გამოძიებული. ამ შემთხვევაში, როგორც ადრე ვთქვი, მათ ჩვენი სრული და გულწრფელი მხარდაჭერა და თანამშრომლობა აქვთ“, - განაცხადა ჩარლზ III-მ.

მეფემ განაცხადა, რომ გამოძიების გაგრძელებისას ენდრიუს საქმეზე დამატებითი კომენტარის გაკეთებისგან თავს შეიკავებს.

როგორც გავრცელდა ინფორმაცია, 19 თებერვალს, მეფე ჩარლზ III-ის ძმა, ენდრიუ მაუნტბატენ-უინძორი, თანამდებობის ბოროტად გამოყენების ეჭვმიტანილად დააკავეს. პოლიცია ყოფილი პრინცის წინააღმდეგ ბრალდების წაყენებას განიხილავდა ჯეფრი ეპშტეინთან, აშშ-ში სექსუალური დანაშაულისთვის გასამართლებულ ფინანსისტთან კავშირის გამო.

თებერვლის დასაწყისში აშშ-ის იუსტიციის დეპარტამენტის მიერ გამოქვეყნებული ფაილების თანახმად, ენდრიუ მაუნტბატენ-უინძორი ეპშტეინს ბრიტანეთის ოფიციალურ სავაჭრო დოკუმენტებს გადასცემდა.

შეგახსენებთ, რომ 2025 წლის ოქტომბერში ენდრიუ მაუნტბატენ-უინძორს პრინცის ტიტული ჩამოერთვა საკამათო ამერიკელ ფინანსისტ ეპშტეინთან კავშირის ბრალდებების გამო.

ეპშტეინის საქმესთან დაკავშირებული ახალი ფაილების გამოქვეყნების შემდეგ, ენდრიუმ სამეფო რეზიდენცია დატოვა.

ავტორი: ექსპრესნიუსი,

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა