11 თებერვალს, თბილისის დროით გვიან საღამოს აშშ-ის „ევროპის უსაფრთხოებისა და თანამშრომლობის კომისიაში“ გაიმართა ექსპერტთა ბრიფინგი „ქართული ოცნების“ მიერ „განსხვავებული აზრის მზარდი ჩახშობის“ შესახებ.

ვაჭრობის საერთაშორისო საკონსულტაციო ფირმის, McLarty Associates-ის უფროსი მმართველმა დირექტორმა კლერ კაისერმა თავდაპირველად ძალიან მოკლედ მიმოიხილა მიმდინარე საპროტესტო აქციები, აშშ-საქართველოს ურთიერთობები და თქვა, რომ ბაიდენის ადმინისტრაციის მიერ 2009 წლის სტრატეგიული პარტნიორობის შეჩერება და შემდეგ სანქციები „მნიშვნელოვანი საპასუხო პოლიტიკა“ იყო.

„აღსანიშნავია, რომ პრეზიდენტ ტრამპის ადმინისტრაციამ თანამდებობაზე მოსვლის შემდეგ ეს ზომები უცვლელად შეინარჩუნა. ამავდროულად, ბევრისთვის მოულოდნელად, მან კავკასიის რეგიონს უპრეცედენტოდ დიდი ენერგია და ყურადღება მიაქცია, რამაც, სავარაუდოდ, ბევრი გააკვირვა“, - თქვა მან.

„დღეს ვიცე-პრეზიდენტი [ჯეი დი ვენსი] ასრულებს ვიზიტებს ერევანსა და ბაქოში... ეს ვიზიტები აჩვენებს, თუ რა პრიორიტეტს ანიჭებს ადმინისტრაცია „ტრამპის მარშრუტს საერთაშორისო მშვიდობისა და კეთილდღეობისთვის“, ორივე ქვეყანასთან ურთიერთობების დონის ამაღლებასთან ერთად“, - თქვა მან.

მისი თქმით, მიუხედავად იმისა, რომ ამ ინიციატივის განხორციელებასთან, ასევე სომხეთ-აზერბაიჯანის და სომხეთ-თურქეთის ურთიერთობების ნორმალიზაციის უფრო ფართო კონტურებთან დაკავშირებით „ბევრი რამ არის გასარკვევი“, ცხადია, რომ „შეერთებული შტატები სტრატეგიულ არჩევანს აკეთებს და ამ კონკრეტულ მომენტში კავკასიაში ჩართულობას ზრდის“.

„რეგიონში აშშ-ის ამ განახლებულ პოლიტიკურ ენერგიულობას აშკარად აკლია საქართველო, ოდესღაც ამერიკის ურყევი პარტნიორი კავკასიაში... საქართველოს მთავრობამ, ფაქტობრივად, თავი აარიდა რეგიონში მიმდინარე ღრმა და პოზიტიურ პოლიტიკურ და გეოპოლიტიკურ ტრანსფორმაციას“, - განაცხადა დოქტორმა კაისერმა.

ამ დროს კი, მისი თქმით, „სომხეთ-აზერბაიჯანის დაახლოება ახალ შესაძლებლობას ქმნის არა მხოლოდ ამ ორი ქვეყნისთვის, არამედ უფრო ფართო რეგიონისთვის - კასპიისა და შავი ზღვის აუზებისთვის - და აშშ-ის უფრო ფართომასშტაბური ჩართულობისთვის“.

მისი თქმით, მართალია, „აბსოლუტურად გამართლებულია“ სანქციების პოლიტიკა „სასჯელის თვალსაზრისით“, თუმცა „თუმცა სანქციების გარდა მექანიზმებს მსჯელობისას საჭიროა, იფიქრონ მიზანზე“:

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times