საერთაშორისო ფარიკაობის ფედერაციამ 2025 წელს ივლისის თვეში მსოფლიო ჩემპიონატის საქართველოში ჩატარება მას შემდეგ გადაწყვიტა რაც მასპინძელმა ქვეყანა ესტონეთმა რუს სპორტსმენებისთვის ვიზების გაცემაზე უარი თქვა.

2026 წლის თებერვალში თბილისის მსოფლიო თასზე ფარიკაობაში, თავდაპირველად პოლონეტში უნდა გამართულიყო თუმცა პოლონეთმა რუსეთის უკრაინის წინააღმდეგ აგრესიის გამო რუს მოფარიკავეებს ვიზა არ მისცა. 

ორივე შემთხვევაში, თბილისში მსოფლიო ჩემპიონატის გამართვის, იყო ფარიკაობის საერთაშორისო ფედერაციის პრეზიდენტის ალიშერ უსმანოვის გადაწყვეტილება. პუტინის პირადი ოლიგარქის მიზანი იყო, რუსეთის ხელისუფლებისადმი კეთილნაგწყობილ "ქართული ოცნების" რეჟიმს რუსი სპორტსმენებისთვის პრობლემები არ შეექმნა. 

თბილისის მსოფლიო თასზე ფარიკაობაში რუსეთის ეროვნული ნაკრები მონაწილეობდა.  რუსეთის ფარიკაობის ფედერაციის ცნობით, თბილისში რუსეთის ნაკრების ტრიუმფალური გამოსვლით აღინიშნა.

რუსეთიმა "ქართული ოცნების" რეჟიმს მადლობა გადაუხადა შეჯიბრის უმაღლესი სპორტული სტანდარტების შესაბამისად ორგანიზებისთვის.

 უზბეკური წარმომავლობის რუსი ოლიგარქი $14.5 მილიარდის ქონებას ფლობს და მსოფლიოს 117-ე უმდიდრესი ადამიანია. 

უსმანოვი 2000-2014 წლებში რუსეთის სახელმწიფო კონგლომერატ „გაზპრომის“ შვილობილ კომპანია „გაზპრომ ინვესტჰოლდინგს“ ხელმძღვანელობდა. 2022 წლამდე იყო ფარიკაობის საერთაშორისო ფედერაციის პრეზიდენტი. მილიარდერი FIE-ს 2008 წლიდან 2022 წლამდე ხელმძღვანელობდა, თუმცა რუსეთის მიერ უკრაინაში შეჭრის შემდეგ საპრეზიდენტო უფლებამოსილებები შეაჩერა.

2024 წლის 30 ნოემბერს პუტინის რეჟიმის ოლიგარქი კვლავ ფარიკაობის საერთაშორისო ფედერაციის პრეზიდენტად აირჩიეს.

„მე ვამაყობ, რომ ვიცნობ პუტინს და ის, რომ ის ყველას არ მოსწონს, პუტინის პრობლემა არ არის. არა მგონია, ნაგასაკის შემდეგ მსოფლიოს უყვარდეს ტრუმენი“, – სწორედ ეს სიტყვები ეკუთვნის 70 წლის რუს მილიარდერს, რომელიც რუსეთის ღირსების მედლითაა დაჯილდოებული.

უკვე ცნობილია, რომ ევროპის ჩემპიონატი ფარიკაობაში, რომელიც 2026 წლის ზაფხულში ტალინში უნდა ჩატარებულიყო, საფრანგეთში გადაიტანეს, - განაცხადა ესტონეთის ფარიკაობის კავშირის გენერალურმა მდივანმა, აივარ პაალბერგმა პარასკევს, 23 იანვარს, Õhtuleht-თან ინტერვიუში. „გადაწყვეტილება 14 იანვარს იქნა მიღებული, თუმცა ამის შესახებ მხოლოდ დღეს შეგვატყობინეს“, - აღნიშნა პაალბერგმა. შეჯიბრი ახლა საფრანგეთის ქალაქ ანტონიში გაიმართება.

ტურნირის შესაძლო გადადების შესახებ ინფორმაცია 2025 წლის ბოლოს გავრცელდა. იმ დროს, საერთაშორისო ფარიკაობის ფედერაციამ ესტონეთისგან წერილობითი დადასტურება მოითხოვა, რომ ყველა სპორტსმენს შეეძლებოდა ჩემპიონატში მონაწილეობა და საზღვრის გადაკვეთა, მოქალაქეობისა და სამხედრო წოდების მიუხედავად.

ავტორი: ექსპრესნიუსი,

სოციალური ქსელები

ჯეი დი ვენსი 7-8 აპრილს უნგრეთში ჩავა და ვიქტორ ორბანს შეხვდება

ანდრია ჯაღმაიძე - სინოდის დღევანდელი სხდომა დაეთმობა პროცესუალური საკითხების მოწესრიგებას

„შემდეგი ხიდებია და ელექტროსადგურები“ - ტრამპი ირანზე ახალი თავდასხმებით იმუქრება

სეს-ი ძაღლების ჰიპერპოპულაციის მართვის პროგრამის სამოქმედო არეალებისა და განხორციელების დროის შესახებ ინფორმაციას ავრცელებს