2026-02-06 16:47:21, 347 ნახვა

---

ანიტა ჰიპერი: ყოველთვის ვიდგებით ქართველი ხალხის გვერდით, განვიხილავთ ზომებს ხელისუფლების მიმართ

ევროკომისიის სპიკერმა, ანიტა ჰიპერმა საქართველოს შესახებ კიდევ ერთხელ თქვა, რომ ევროკავშირი „განიხილავს შესაბამის ზომებს საქართველოს ხელისუფლების მიმართ“. მან უპასუხა „ევროსკოპის“ კითხვას „ქართული ოცნების“ მხრიდან სამოქალაქო საზოგადოების დევნის მიზნით კანონმდებლობის კიდევ უფრო დამძიმების შესახებ.

„მე არ ვარ ფსიქოლოგი, მაგრამ ეს გადაბრალებისა და პროექციის კლასიკური ტაქტიკაა. სამწუხაროდ, ზუსტად ეს ხდება ახლა საქართველოში. ჩვენ ვერ ვხედავთ არსებული ვითარების გაუმჯობესების ვერანაირ ნიშანს დემოკრატიის, თავისუფლებისა და იმ ღირებულებების კუთხით, რომლებსაც ევროკავშირი უჭერს მხარს საქართველოში, იქნება ეს სამოქალაქო საზოგადოება თუ სიტყვის თავისუფლება.

რაც შეეხება პოლიტიკურ კონტექსტს, როგორც იცით, ჩვენ დავწიეთ პოლიტიკური ურთიერთობების დონე. ასევე, შევაჩერეთ ყოველგვარი პირდაპირი დახმარება საქართველოს ხელისუფლებისთვის და გავაუქმეთ უვიზო მიმოსვლა დიპლომატების, მაღალჩინოსნებისა და მათი ოჯახის წევრებისთვის. ჩვენი მხრივ, ჩვენ ყოველთვის ვიდგებით ქართველი ხალხის გვერდით და ასევე განვიხილავთ შემდგომ ზომებს საქართველოს ხელისუფლების მიმართ, დემოკრატიულ გზაზე დასაბრუნებლად“. - თქვა ანიტა ჰიპერმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი