პარტია გახარია საქართველოსთვის დებატებთან დაკავშირებით განცხადებას ავრცელებს და წერს, რომ რუსთავი 2-ის მიერ შეთავაზებული ფორმატი "დებატების ნაცვლად ფარსი და პროპაგანდის გაგრძელებაა". 

პარტია წერს, რომ უარის თქმის მიზეზი, დებატებში სატელიტი პარტიების მონაწილეობაცაა და მზაობას გამოთქვამენ მათ გარეშე ქართულ ოცნებასთან დებატებისთვის.

"დებატებზე ჩვენი პოზიცია ცალსახაა - დებატები დემოკრატიის განუყოფელი ნაწილია და ჩვენ ყოველთვის მზად ვართ საჯარო და ღია დისკუსიისთვის. ამიტომ ვართ დღეს პარლამენტში.

დებატებზე უარი სამწუხაროდ ოცნებამთავადვე თქვა, განსაკუთრებით წინასაარჩევნოდ, განსხვავებული აზრისთვის დახურა საკუთარი ტელევიზიები და აქცია პროპაგანდისტულ ტელეარხებად.

რა თქმა უნდა, ჩვენ მივესალმებით ამ არხებზე დებატების გახსნას. თუმცა შევახსენებთ ხელისუფლებას, რომ დებატების მნიშვნელობას ფორმატი და შინაარსი განაპირობებს. ის, რაც რუსთავი 2-მა 2 თებერვლის დებატების სახით შემოგვთავაზა, სადაც ოცნებას საკუთარი სატელიტი პარტიების დასწრება სჭირდება - დებატების ნაცვლად ფარსი და პროპაგანდის გაგრძელებაა.

თუ ოცნება საკუთარ ტელეარხზეც ვერ გაბედავს სატელიტი პარტიების გარეშე დებატებზე დაჯდომას, ეს კიდევ ერთი შეცდომა იქნება.

კიდევ ერთხელ ვადასტურებთ - ჩვენ მზად ვართ ერთი-ერთზე ან ნებისმიერ სხვა შესაბამის ფორმატში პირდაპირ ეთერში დავუჯდეთ დებატებზე მმართველი პარტიის წარმომადგენლებს საქართველოს მოქალაქებისთვის ნებისმიერ აქტუალურ საკითხზე სასაუბროდ, ნებისმიერ ტელევიაზიაში". - ნათქვამია საქართველოსთვის განცხადებაში.

2 თებერვალს სამთავრობო პროპაგანდისტულმა რუსთავი 2-მა გაავრცელა ინფორმაცია, რომ "2 დღიანი მოლაპარაკების შემდეგ, გახარიას პარტია სატელევიზიო დებატებზე უარს აცხადებს. მათთვის გაუგებარია, რას ნიშნავს კლასიკური მრავალსუბიექტიანი პოლიტიკური დებატები".

მათივე ცნობით, 2 თებერვალს გასამართ დებატებში მონაწილეობას მიიღებენ: შალვა პაპუაშვილი, იაგო ხვიჩია, სოზარ სუბარი, კოტე ჟღენტი, ნინო ჩხობაძე.

ავტორი: ექსპრესნიუსი,

სოციალური ქსელები

Euromoney Markets Awards - თიბისი საქართველოში ობლიგაციების ბაზრის საუკეთესო ბანკია

ევროპარლამენტის ვიცე-პრეზიდენტმა ოლეშკიში ჰუმანიტარული კატასტროფის გამო შიმშილობა გამოაცხადა

ტრამპის სპეციალური წარმომადგენელი მოლაპარაკებებისთვის რუსეთში გაემგზავრა

მთავრობის ადმინისტრაცია ილია მეორის დაკრძალვის ხარჯებზე - სარეზერვო ფონდიდან 3 მილიონი გამოიყო, შემდეგ კი ეს თანხა 722 645 ლარამდე დაკორექტირდა და 2 277 355 ლარი ბიუჯეტში დაბრუნდა