გელა ხასაიას პროცესზე მოწმის სახით მიიყვანეს გამომძიებელი, რომელზე ბრალდებული ამბობს, რომ არასდროს უნახავს. 

როგორც სხდომაზე კოალიცია "ცვლილებისთვის" დაპატიმრებულმა წევრმა თქვა, სამართალდამცველი, რომელმაც გამოკითხა და ოქმი შეადგინა, დაახლოებით 50 წლის იყო და არა ის სულაც არ ჰგავს იმ ახალგაზრდას, რომელიც პროკურატურამ პროცესზე მოწმედ მიიყვანა. 

ამ ადამიანს ჩემი არცერთი უფლება არ დაურღვევია, საერთოდ არაფერი უქნია იმიტომ, რომ ამ ადამიანს არ გამოვუკითხივარ საერთოდ. პირველად ვხედავ. 100%-ით შემიძლია ვთქვა.
ადამიანს შეიძლება ორი ახალგაზრდა ერთმანეთში აგერიოს ან ვერ დაიმახსოვრო ან ასე შემდეგ, მაგრამ 25 და 50 წლის ადამიანი ჩემი აზრით მარტივად გასარჩევია.
ვინც ჩემგან ჩვენების აღებას ცდილობდა იყო თქვენზე ბევრად უფროსი, მინიმუმ 20 წლით მაინც“, - მიმართა პოლიციელს გელა ხასაიამ.

დღევანდელ სასამართლო სხდომაზე 2 მოწმე უდაოდ გახადეს, ასევე გამოიკვლიეს წერილობითი მტკიცებულებებიც.

• ცნობისთვის, პროკურატურა გელა ხასაიას ედავება, რომ მან 1-ელ სექტემბერს, თბილისში, თამარ მეფის გამზირის მიმდებარე ტერიტორიაზე ვასილ ქერდიყოშვილთან ერთად, ჯგუფურად ჯანმრთელობის განზრახ დაზიანება მიაყენა დაზარალებულს - რამაზ ჩადუნელს.

სამართალდამცველებმა ბრალდებულები 29 სექტემბერს დააკავეს. მათ ბრალდება საქართველოს სისხლის სამართლის კოდექსის 118-ე მუხლის მეორე ნაწილით (ჯანმრთელობის განზრახ ნაკლებად მძიმე დაზიანება, ჩადენილი ჯგუფურად) წარედგინა, რაც სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

Euromoney Markets Awards - თიბისი საქართველოში ობლიგაციების ბაზრის საუკეთესო ბანკია

ევროპარლამენტის ვიცე-პრეზიდენტმა ოლეშკიში ჰუმანიტარული კატასტროფის გამო შიმშილობა გამოაცხადა

ტრამპის სპეციალური წარმომადგენელი მოლაპარაკებებისთვის რუსეთში გაემგზავრა

მთავრობის ადმინისტრაცია ილია მეორის დაკრძალვის ხარჯებზე - სარეზერვო ფონდიდან 3 მილიონი გამოიყო, შემდეგ კი ეს თანხა 722 645 ლარამდე დაკორექტირდა და 2 277 355 ლარი ბიუჯეტში დაბრუნდა