ირანში აცხადებენ, რომ გერმანიის ელჩი კანცლერ ფრიდრიც მერცის „უაზრო“ განცხადებების გამო დაიბარეს.

ირანის სახელმწიფო სააგენტოს „ირნას“ ცნობით, გერმანიის ელჩი აქსელ დიტმანი ირანის საგარეო საქმეთა სამინისტროშია დაბარებული.

საგარეო საქმეთა სამინისტროს დასავლეთ ევროპის გენერალური დირექტორი ალირეზა იუსეფი აკრიტიკებს ფრიდრიხ მერცის განცხადებებს და „ირანის შიდა საქმეებში უპასუხისმგებლო ჩარევას“ უწოდებს.

ალირეზა იუსეფმა განაცხადა, რომ გერმანიის კანცლერს არ აქვს მორალური უფლება, ირანელებს ადამიანის უფლებებზე ლექციები წაუკითხოს.

ცნობისთვის, იანვრის შუა რიცხვებში ირანში მიმდინარე ანტისამთავრობო აქციების ფონზე გერმანიის კანცლერმა, ფდრიდრიხ მერცმა განაცხადა, რომ ეს ირანის რეჟიმის ბოლო დღეები იყო.

„ვვარაუდობ, ახლა ირანის რეჟიმის ბოლო დღეებსა და კვირებს ვხედავთ“, – განაცხადა ფრიდრიხ მერცმა.

ავტორი: ექსპრესნიუსი,

სოციალური ქსელები

Euromoney Markets Awards - თიბისი საქართველოში ობლიგაციების ბაზრის საუკეთესო ბანკია

ევროპარლამენტის ვიცე-პრეზიდენტმა ოლეშკიში ჰუმანიტარული კატასტროფის გამო შიმშილობა გამოაცხადა

ტრამპის სპეციალური წარმომადგენელი მოლაპარაკებებისთვის რუსეთში გაემგზავრა

მთავრობის ადმინისტრაცია ილია მეორის დაკრძალვის ხარჯებზე - სარეზერვო ფონდიდან 3 მილიონი გამოიყო, შემდეგ კი ეს თანხა 722 645 ლარამდე დაკორექტირდა და 2 277 355 ლარი ბიუჯეტში დაბრუნდა