თბილისის საქალაქო სასამართლოში პარლამენტის თავდაცვისა და უშიშროების კომიტეტის თავმჯდომარის ირაკლი სესიაშვილს დაკითხვა მიმდინარეობს.

დეპუტატი სასამართლოს ჩვენებას ე.წ. კაბელების საქმეზე აძლევს.

"თავდაცვის მინისტრს გავაცანი ერთ-ერთი კომპანიის წარმომადგენელი, რომელიც უწყებას სთავაზობდა ქვეყნის მასშტაბით კაბელებით დაქსელვას და თავდაცვის სამინისტროსთვის რამდენიმე წვერის უფასოდ მიწოდებას. ჩემი ინტერესი იყო, რომ ქვეყნისთვის კარგი საქმე გაკეთებულიყო და ამაში სახელმწიფოს თანხა არ გადაეხადა. ამ შემთხვევაში ჩემი როლი იყო მხოლოდ მათი გაცნობა, ჩემს კომპეტენციაში არ შედის პირის სანდოობის და საიმედოობის დადგენა. ეს არის უშუალოდ სახელმწიფო უწყებების ანუ სამინისტროს კომპეტენცია. შესაბამისად, თუ პირთან მიმართებაში გარკვეული ეჭვი არსებობდა, სამინიტროს თავად უნდა მიემართა კონტრდაზვერვისთვის და დაედგინა მისი სანდოობა და საიმედოობა," - განმარტა ირაკლი სესიაშვილმა დაკითხვამდე ჟურნალისტებთან საუბრისას.

პროკურორის განმარტებით სესიაშვილი დაკითხულია გამოძიების პროცესში. დეპუტატი იყო უშუალო მონაწილე იმ შეხვედრის, რომელიც შედგა თავდაცვის ყოფილ მინისტრს ირაკლი ალასანიას და სპეცკავშირმშენის დირექტორს ავთანდილ ჭოლოკავას შორის. პროკურორ ნინო აღლემაშვილის განმარტებით, სწორედ ამ შეხვედრაზე შესთავაზა ჭოლოკავამ უფასოდ ღერები, ანუ ქონება, რომელშიც სამინისტრომ შემდგომში მილიონობით ლარი გადაიხადა.

საქალაქო სასამართლოში „თავისუფალი დემოკრატების“ წარმომადგენლებიც. მათი თქმით, საკმაოდ ბევრი კითხვები არსებობს.

ზურაბ აბაშიძის შეფასებით, როგორც ჩანს, დეპუტატი ირაკლი სესიაშვილი სპეცკავშირმშენის დირექტორს ავთანდილ ჭოლოკავას ლობირებდა.

„ბატონი ირაკლი, როგორც ჩანს ლობირებდა ამ პიროვნებას და მიაჩნდა, რომ ის საკმაოდ გამოცდილი და კვალიფიციური კადრია ამ თვალსაზრისით. შემდეგ გაირკვა, რომ ის კაგებეს ემსახურებოდა. მემგონი გორბაჩოვის აგარაკიც აქვს დაქსელილი,“- აღნიშნა ზურაბ აბაშიძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის