მომავალი წელი იქნება კიდევ უფრო რთული ევროკავშირისთვის, მათ შორის, ეკონომიკური და პოლიტიკური თვალსაზრისით, - ამის შესახებ "ქართული ოცნების" პრემიერ-მინისტრმა ირაკლი კობახიძემ სამთავრობო პროპაგანდისტულ „იმედი LIVE"-ში განაცხადა.

მისი თქმით, კონკრეტული გზავნილები კეთდება ომთან და მილიტარისტულ მიდგომებთან დაკავშირებით. 
 
„აქ ყველაზე საინტერესო ის არის, თუ რა გაგრძელებაა ჩაფიქრებული ამ ყველაფრის უკან. ჩანს, რომ კეთდება მკვეთრი განცხადებები და ამ მკვეთრ განცხადებებს უნდა ჰქონდეს კონკრეტული მიზანი. რა არის ეს მიზანი, ჩვენ შეიძლება გვქონდეს ჩვენი ლოგიკური დასკვნები, მაგრამ აქაც მოვერიდებით ჩვენი დასკვნების გასაჯაროებას. დაველოდოთ მოვლენების განვითარებას. კონკრეტული გზავნილები კეთდება ომთან დაკავშირებით, მილიტარისტულ მიდგომებთან დაკავშირებით. ვნახოთ, როგორ განვითარდება პროცესები. რა თქმა უნდა, ამ პროცესებს საქართველოზე ექნება გავლენა. როგორი გავლენა ექნება, ამასაც მომავალი გვიჩვენებს. სამწუხაროდ, რაც ჩანს, მომავალი წელი იქნება კიდევ უფრო რთული ევროკავშირისთვის. მათ შორის, ეკონომიკური და პოლიტიკური თვალსაზრისით. დანარჩენს უკვე დრო გვიჩვენებს", - განაცხადა პრემიერმა.

ავტორი: ექსპრესნიუსი,

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი