ევროპარლამენტის პრეზიდენტი რობერტა მეცოლა ამბობს, რომ მზია ამაღლობელი და ანდჟეი პოჩობუტი სიმამაცისა და გმირობის განსახიერებები არიან. ეს მან სტრასბურგში განაცხადა, სადაც სახაროვის პრემიის გამარჯვების დაჯილდოება იმართება.

მზია ამაღლობელი სახაროვის პრემიის გამარჯვებულია - წელს ეს ჯილდო მასთან ერთად ბელარუს პატიმარსა და ჟურნალისტს, ანდჟეი პოჩობუტისაც გადაეცემა.

რობერტა მეცოლას თქმით, მზია ამაღლობელის ბრძოლა განსახიერებაა მათთვის, ვისაც მიაჩნია, რომ თავისუფლება და ღირსება არასდროს უნდა დანებდეს. 

"მზიას ბრძოლა ჩვენი ფუნდამენტური ღირებულებებისთვის განსახიერებაა მათთვის, ვისაც მიაჩნია, რომ თავისუფლება და ღირსება არასდროს უნდა დანებდეს. მათ ხმა კვლავ გაისმის მთელ ევროპაში, მის მიღმაც და მათი გაჩუმება შეუძლებელია", - თქვა რობერტა მეცოლამ. 

სიტყვით გამოსვლისას ევროპარლამენტის პრეზიდენტმა მიმართა ქართველ ხალხს.

"მინდა მივმართო ყველა ქართველს, ვინც თავის მომავალს ხედავს ევროკავშირში, ევროპარლამენტი თქვენს გვერდით ვართ მყარად და ჩვენ ამას ვიმეორებთ ჩვენს რეზოლუციებში, განცხადებებში, ჩვენს საქმიანობაში, რათა საქართველო იყოს მაქსიმალურად ჩვენთან ახლოს, ისე როგორც, ქართველი ხალხი იმსახურებს", - თქვა რობერტა მეცოლამ.

ავტორი: ექსპრესნიუსი,

სოციალური ქსელები

გერმანიის საგარეო - საქართველოში პარტიების აკრძალვის საკონსტიტუციო სარჩელი შემაშფოთებელია

სალომე ზურაბიშვილი - დღეს არის დღე სამარცხვინო საქართველოსთვის

საკონსტიტუციო სასამართლომ ოპოზიციის არცერთი შუამდგომლობა არ დააკმაყოფილა- პირველი დღის შედეგები

კობახიძე ძმებ ფეიქრიშვილებზე: გამოძიება დაადგენს, მათ შორის, ციხის ადმინისტრაციის შესაძლო როლსაც