აზერბაიჯანელი ოპოზიციონერი, ელბეი ქერიმლი, ციხეში გარდაცვლილი იპოვეს. ის აზერბაიჯანის სახალხო ფრონტის პარტიის წევრი იყო. ქერიმლი 12 დეკემბერს ერთ-ერთი სასჯელაღსრულების დაწესებულების სამედიცინო პუნქტში გარდაცვლილი იპოვეს.

სახალხო ფრონტის პარტიის ცნობით, გარდაცვალების მიზეზი უცნობია. აზერბაიჯანის იუსტიციის სამინისტრომ ოპოზიციონერის გარდაცვალება დაადასტურა და განმარტა, რომ მომხდარს ხაზარის რაიონის პროკურატურა იძიებს. ახალგაზრდა ოპოზიციონერი, ელბეი ქერიმლი 2023 წლის აგვისტოში ჰეიდარ ალიევის ძეგლზე წარწერა "სტალინის” დაწერის გამო დააკავეს.

ოპოზიციის მტკიცებით,  ელბეი ქერიმლის საქმე შეუკერეს და ნარკოტიკული საშუალებების შენახვაში დამნაშავედ ცნეს და ექვსი წლით თავისუფლების აღკვეთა მიუსაჯეს.

ელბეი ქერიმლი 2023 წლის აგვისტოში გაუჩინარდა და მისი დაკავების შესახებ მხოლოდ 2023 წლის 24 ოქტომბერს გამოცხადდა. მას მშობლები არ ჰყავს, ამიტომ მისმა პარტიის თანამებრძოლებმა მისი ბედის გარკვევა ვერ შეძლეს. მეგობრების თქმით, მის შესახებ თითქმის ორი თვის განმავლობაში არაფერი სმენიათ. მათ პოლიციისგანაც ვერ მიიღეს რაიმე ინფორმაცია.

პროტესტის მიზნით ოპოზიციონერი ციხეში რამდენიმეჯერ შიმშილობდა.

ავტორი: ექსპრესნიუსი,

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა